غمجنه شپه،سپینه سپوږمې ده،ستا یادونه او زه
یو ،مرور سره ډېر وخت کیږي خوبونه او زه
اوس چې دوۍ نه وي نو خپل ځان راته نیمګړی ښکاري
اوس یو عادت سره د تللي یار غمونه او زه
ولي زما د پردیسۍ د ژوند پوښتنه کوې !
... تنګه کوټه ده ،هري خواته کتابونه او زه
د خاموشۍ په ژبه ټوله شپه خبري کوو
د مسافري لیلی ښکلي تصویرونه او زه
ته مې د میني حوصلې ته دعاګانې کوه
تا ترې نه اخلم یو په جنګ سره وختونه او زه
زما په ژوند کې داسي خاص ګوهره نشته دي څه
د چا د لاس څو نشانې،یو څو شعرونه او زه