غم ....

ویل یې ځه کنه ویده شه
ما ویل نه راځي خوبونه
ویل یې څه درباندې شوي
ما ویل زړه کې مې دردونه
ویل یې څه بلا درشوې
ما ویل زړه باندې مې غم دی
ویل یې شکر پرې وباسه
چې زما له غمه کم دی

ما ویل غم دې په دیوال شه
ویل دیوال خو به اوبه کړي
ما ویل غم دې شه په غرونو
ویل یې غرونه به ذرې کړي
ما ویل غم دې په ځنګل شه
ویل ځنګل به مړې ایرې کړي
ما ویل غم دې په دریاب شه
ویل دریاب به وچ لښتی کړي

ما ویل غم دې خدای په ما کړه
ویل یې ژبه دې ګونګۍ شه

جلال