غزل
ځان ته مې ورکړلې وعدې ،چې هېرولی دې شم
زما د ژوند بلې لمبې ! ،چې هېرولی دې شم
د مخه ښه پر وخت دې ولې سترګې وپړسېدې
تا خو په خپله راته وې ،چې هېرولی دې شم
دا طريقه د هېرولو درنه هېره مه شه
چې جوابونه رالېږې ،چې هېرولی دې شم
ما خو به هر څه ويل ، زه خو په غوسه کې ومه
نو ته او خدای ته دا منې؟ ،چې هېرولی دې شم
خط به ورولېږم چې زه زړه سره څه وکړمه
خط رالېږلی دی هغې ،چې هېرولی دې شم
هغه صحنه کړه خدای ناسور زخم پر زړه د جلال
چې په سرو سترګو ژړېدې ،چې هېرولی دې شم
جلال امرخېل
08.10.2010
- جلال امرخېل
نظم
هغه شپه به په ما څه رنګه تېريږي چې ستا فون راشي چې زه يې بل ته ورکړم مور او پلار مې زما زړه ته پام و نه کړ په خپل واک شول په خپل زړه يې بل ته ورکړم
هغه شپه به څه په چېغو چېغو ژاړم ته به څه په جان قربان وايې چې خير دی زه به ښې ډېرې کنځلې درته وکړم ته به بيا هم راته ګران وايې چې خير دی...
18.10.2010
- جلال امرخېل
غزل
چې د وجود له ائېنې نه سوا هېڅ نه ويني د خپل جمود له ائېنې نه سوا هېڅ نه ويني
که دې په سترګو کې درولوېدم خطا مې څه ده ؟ تا وې چې دود له ائېنې نه سوا هېڅ نه ويني دوی د خليل د اور ګلزار باندې قائېله نه دي دوی د نمرود له ائېنې نه سوا هېڅ نه ويني
ښکلي په راز د خپل جمال د تخليق ن...
