غزل
لږ به له خلکو نه شو لرې ، په دا توره تياره
راځه چې سپينې کړو خبرې ، په دا توره تياره
که غره کې مړ شوم بيا به نه راباندې سر شوکوې
رانه دې وغوښتې ګورګورې ، په دا توره تياره
موږ چې شوو غاړه غړۍ ستا د راختو څه ضرور ؟
سپوږمۍ بدبختې ، لنډغرې ! په دا توره تياره
وچکالي را مه شه په دې غربت ځپلي وطن
جينکۍ مه شه مرورې ، په دا توره تياره
ورځ خو د ښکليو غوندې پرېښودم په ژيړ مازيګر
شپه شوه زما د درد ملګرې ، په دا توره تياره
جلاله ! زه به مې د زړه درزونه ورولم خو
هغه دې نه وايي سندرې ، په دا توره تياره
جلال امرخېل
14.07.2010
- جلال امرخېل
ښاغلی عارف همدرد ښه وايي ، درانه تل درانه وي.
غواړم د ښاغلي همدرد د وروستۍ خپرې شوې ليکنې په اړه يو څو خبرې درسره شريکې کړم کومه يې چې تر ډېره ښاغلي نصرت الهام ته په سپکاوي راڅرخي. زه به تر ډېره کوښښ وکړم چې د چا په شخصي حريم رانه تېری و نه شي او خدای مه کړه د چا زړه رانه ازار نه شي .
د ښاغلي همدرد دا ليکنه دوه ورځې مخکې د پښتنو د ټولنيز ولسوليز ګوند په وېبپاڼ...
21.07.2010
- جلال امرخېل
محب الله بهرام ته ،چې مړينې يې ډېر ودردولم.
يوازې ته خو نه وې ، لمر هم درسره پرېواته له پورې غره نه مازيګر هم درسره پرېواته
د ديدنونو انتظار زبېښلی رنګ نيولی لکه ،چې ستوری د سحر هم درسره پرېواته
د پکتيکا د غزالانو شهزاده بهرامه ! له ګړنګونو نه هنر هم درسره پرېواته...
