د نړۍ بدلون
د وست مینسټر ښار په کلیسا کې د یو کشیش د قبر د پاسه لیکل شوي دي:« کله چې ماشوم وم، غوښتل مې چې نړۍ بدله کړم. کله چې رالوی شوم، پام مې شو چې نړۍ ډېره لویه ده، زه باید انګلستان ته بدلون وړکړم. انګلستان هم راته وروسته لوی ښکاره شو، او پرېکړه مې وکړه چې خپل ښار ته بدلون ورکړم. کله چې بوډا شوم، غوښتل مې چې خپلې کورنۍ ته بدلون ورکړم. دادی اوس د مرګ په حال کې یم او پوهېږم چې که په همغه لومړي ورځ کې مې ځان ته بدلون ورکړای وای، کېدای شوای چې اوس به مې نړۍ هم بدلولای شوای!!!».
ژباړه: شیرین اغا جهانګیر
هرات
۰۶-۱۲-۲۰۰۹
22.01.2010
- پېمانه
یو ځانګړی ساعت
سړی ناوخته او ستړی له کار نه کور ته راستون شو. په دروازه کې يې خپل پنځه کلن زوی ولیده چې د هغه په انتظار کې ولاړ وو:
- سلام پلار جانه! یوه پوښتنه درنه وکړم؟
- هو حتماً. د څه شي پوښتنه؟
- پلار جانه! تاسو د هر ساعت کار په بدل کې څو ډالره اخلۍ؟
- سړي په غصې ځواب ورکړه:« تاته يې څه؟ ولې داسې یوه پوښتنه رانه کوئ؟
- بس هسې؛ غواړم...
22.01.2010
- پېمانه
زنداني
د ۱۹۴۵ کال اوړی، د برلین په یوه کوڅه کې:
دولس زندانیان په زړو او شلېدلو جامو کې د یو روسي عسکر په امر له ېوې کوڅې نه تېرېدل، داسې ښکارېده چې له کومې لرې پوځي چوڼۍ نه يې راوستي وو او چېرته يې د کار لپاره مخ ته کړي وو. هغوي له خپل راتلونکي نه هیڅ خبر نه ول.
ناببره یوه ښځه له کنډوالو نه راووځي، فریاد کوي، د سړک خواته منډې وهي او یو زنداني په غېږه کې نیسي.
خلک ددوي د نندارې لپا...
