نوي نسل ته

 

ګهيځه راشه، رڼا رڼا شه كنه

وړانګې خورې كه،سبا سبا شه كنه

دژوندون هيلې موراوټوكوه

يوه نړۍ ښكلا ښكلا شه كنه

ته راشه پيل كړه زمونږنوې سحر

دټولې ورځې رهنما شه كنه

زمونږه شپې تيرې تيارو ته شولې

ته موتيارو لره بريښنا شه كنه

زړه مو زخمي زخمي، پرهرپرهر دې

ته مو زخمي زړه ته دوا شه كنه

مونږه په ټول عمر خندلي ندي

په سپورو شونډو مو، موسكا شه كنه

دې درد او غم مو تغزل تت كړې

ته درحيم د شعر ځلا شه كنه