د يو چا اتلسم تلين ته
دا تۀ څۀ وى چې تر هر څه راته ګران شوې
ته مې ژوند وې ته مې مرګ ته مې ايمان شوې
لکه بوي د غوټۍ شونډو کې بېده شوې
لکه پاڼه اوبو يوړلې داستان شوې
ستا ښکلا ښکلا خيالونه مې ټولواک شو
زه دې مينځه،ته پاچا،پاچا جانان شوې
د رباب د ويدۀ تار هېره سندره
څۀ پرهر شوې څۀ د څړيکو دردستان شوې
مازديګر وې چې د لمر سره ولاړې
دسحر په لاس کې ستورى د اسمان شوې
دل آباده ! ستا له ياده،ستا له ياده
شاجهانه،جان جانانه يادستان شوې
د وجود په هر پرهر کې مې ژوندى شوې
د نفس په هر آهنګ کې مې بيان شوې
په شپيلۍ شپيلۍ غزل کې مې فرياد شوې
دغزل غزل احساس مې نيستان شوې
دا تۀ څۀ وې چې تر هر څۀ راته ګران شوې
ته مې ژوند وې ته مې مرګ شوې ته مې دين ته مې ايمان شوې
پروين ملال کراچۍ
13.08.2008
- ظفرساپی کریمي
تېر پسېغني خان د شلمې صدۍ دنورو هم عصرو قام پرستو او مزاحمتي شاعرانو په شان د يو ذمه دار فنکار په حېثيت د فن تقاضې پوره کړي دي ،چې دهغه قام او دهغه چاپېر چل يې دهغۀ نه په ځايې طمع لري ـ دهغۀ دشاعرۍ دا برخه کله کله د طنز شکل هم اختيار کړي ولې د خلوص په دړد کښې ډوبه ښکاري او دغه طنز کله کله د کنځل تر حده هم ورسي خو دهغۀ کن...
19.08.2008
- ظفرساپی کریمي
دماښام خټک نوى کتاب خپور شود نوموړي شاعر،ليکوال،کالم نګار او فنکار ښاغلي اقبال شاه ايډوکېټ (ماښام خټک) نوى کتاب ګلګشت(راپورتاژ)دجرس ادبي جرګې کراچۍ له لوري خپور شو ـ ګلګشت په هزاره د اولنۍ پښتو نړيوالې مشاعرې راپورتاژ دى ـ ددې کتاب تړون ښاغلي ليکوال د ښاغلي اسماعيل ګوهر او دهغو ملګرو په نوم کړى دى چې ددغې نړيوالې مشاعرې تابيا يې کړې وه ـ ديادونۍ وړ ده چې د ماښام خټک ددې نه وړاندې هم يو شعري ټولګه "...
