غــــــــــــــزل
لازمی نۀ ده چې وور پۀ سرو بڅرو سوزی
د حساس زړۀ تمام وطن پۀ دوه خبرو سوزی
د بې ننګۍ احساس به کله پښتنو ته کيږی
دلته چمن هلته ځنګلې د نخترو سوزی
د خان بنګله د ملا کور دواړه پۀ امن وامان
پۀ خواوشا ترېنه جونګړې د ګجرو سوزی
پۀ دې دوړجنه خاوره مونږه ګلستان اباد کړو
خدائ خبر ولي پرېکويان د سوداګرو سوزی
د عالمی سامراج کوټلی فائدو پۀ خاطر
د لر اؤ بر افغان پۀ زړونو پۀ ځيګرو سوزی
نګاره څنګ به پښتانۀ يو ځائکيدو ته پرږدی
که يو ځائ کيږی نوتور مخ د ستمګروسوزی
نګار وزیر کراچۍ
