د ښوونځیو د سوزولو په اړه د اسلامي امارت اعلامیه
27.05.2012 18:54په هیواد کې د ښوونځیو د سوزولو او د نجونو شاګردانو د مسموم کیدو په اړوند د اسلامي امارت اعلامیه
د مطبوعاتي رپوټونو له مخې، په دې وروستیو کې په تخار کی د یوه ښوونځي شاګردانې مسموم کړل شوې وې. د دې نه څو ورځې مخکې، په خوست او داسي ، د هیواد په نورو برخو کې هم د ورته پیښو رپوټونه ورکړل شوي وو. په استعمار پورې تړلیو ځینو مزدورو او جهاد دښمنه رسنیو چې معمولآ تر ټولو د مخه، د دغو پیښو رپوټونه خپروي، سملاسي د نوموړو پیښو تور په اسلامي امارت ولګاوه او د دې انتظار یې هم ونه ایست چې پدې اړوند د اسلامي امارت ویاند څه وایي او یا د اسلامي امارت د اړوند منبع څخه د پیښې په هکله تصدیق وکړي. خو له بله پلوه ، دغه رسنۍ هغه رپوټ له پامه غورځوي چې په تیر ۲۰۱۱ کال کې په لندن کې د ښوونې او روزنې په هکله، یوه نړیوال کنفرانس ته په وینا کې، د کابل د ګوډاګۍ ادارې د معارف وزیر اعتراف وکړ چې دده په اصطلاح (وسله وال مخا لفین ) د ذکورو او اناثوله تعلیم سره مخالفت نلری. همداراز، ددې وزارت مسلکي مرستیال رسنیوته ویلي چې ښوونځۍ د طالبانو له خوا نه ، بلکې د ځینو ( جنایت کارو کسانو) له خوا ورانیږي. په عین حال کې، باید ووایو چې د روان کال د فبروري په ۲۲مه نیټه د خیوې ولسوالۍ د کاشکوټ په سیمه کی ، د یرغلګرو قواوود چورلکو د ډزو په نتیجه کې ، د سربند د ښوونځي یو ښوونکی او ۹ تنه زده کوونکي ټپیان شول . خو دغو مزدورو رسنیو پدغو ټولو حقایقو سترګې پټې کړې دي.
اصل خبره دا ده چې پدې وروستیو کې، يرغلګرو قواوو د پنجوایي د زنګاوات په کلي کې د بیګناه ملکیانو او ماشومانو د شهیدانولو او سوزولو، او ددې نه مخکې د شهیدانو د پاکو اجسادو د سپکاوي وحشیانه عمل ترسره کړی دي . همدا شان ، د بګرام په هوایي ډګر کې د قرآن کریم د بیحرمتي د نه بښونکي جنایت مرتکب شول، نو اوس یرغلګران او داخلي لاس پوڅي یی هڅه کوي چې د نجونو د مسموم کولو په څیر، د پلان شویو پیښو په رامینځ ته کولو سره، د افغان ولس او نړیوالو توجه له خپل وحشت او جنایت څخه بلې خوا ته واړوي.
اسلامي امارت ، یو ځل بیا اعلانوي چې زموږ په ګران هیواد کې دغه ډول او دیته ورته نور ناوړه کارونه د ځینو استخباراتي شبکو له خوا تر سره کیږي چې پدې کې پخپله د کابل د ګوډاګۍ ادارې د ملي امنیت په نامه استخباراتي شبکه هم شامله ده.
باید وووایو چې د مجاهدینو تګلاره معلومه ده. هغه په هیواد کې د یرغلګرو قواوو او د هغوئ د ملاتړو لاس پوڅو په مقابل کې وسله وال جهاد کول او د هیواد آزادول دي. د دې علاوه، ، د یرغلګرو او یا ددوئ د مزدورو رسنیو له طرفه د مجاهدینو په خلاف ناوړه تورونه ، د روان جهاد په وړاندې د دښمن د روانې او مطبوعاتي جګړې برخه ده، هیڅ حقیقت نلري. اسلامي امارت ددغو اعمالو څخه کاملأ برائت اعلانوي او څرګندوي که د هیواد په هره برخه کې ، ددې اعمالو مرتکبین په لاس ورشي، شرعي سزا به ورکړي.
د افغانستان اسلامی امارت