دوطن مینه

دوطن مینه دپښتون بیلګه ده
نـنګ اومیړانه یې دشتون بیلګه ده
دایې شعاردایې منځپانګه دژوند
دایې دمینې دتړون بیلګه ده
زمونږ راتلونکی په همدغه لوری
زمونږدنـن اودپرون بیلګه ده
بیله دې مری لکه ماهی بې اوبو
بس ده همدا یې دژوندون بیلګه ده
وطن دهر پښتون دمینې نښه
لکه لیلا چه دمجنون بیلګه ده
زموږ شرف زموږوجدان جوړوی
وایی اغیار چه دجنون بیلګه ده
ځکه یې زه روهین په زغرده وایم
چه مې دشعر دمضمون بیلګه ده
 
میرنواز روهین
جرمنی- اوفن باخ
۲۱.۰۱.۲۰۱۲