د امريکا پټى غوښتني خطرناکي دى

افغان امريکايي بړيڅو او دټولو په سرکې ستر شعله اى رنگين داد فرسپنتا چې په سياسي لحاظ د اقليتونو سره تړاو لرى او په فکرى او عقيدوى لحاظ د شعله جاويد او ستم ملي پخواني غړى او طرفدار دى ،دا وخت د ډيرو په وينا دوه يادرى بهرني تابعيتونه لري، هغه څوک دى چې په افغانستان کې امريکايي محرمي غوښتني پياده کول غواړىکوم چې د امريکا د پټ ستراتيژيکي سند عناصر دى.
نه امريکا او نه هم د گوتو په شمير افغان بړيڅي غواړي چې هغه ددغه خطرناک سند مهم ټکي افغان ملت ته په تفصيل سره ښکاره کړى.
دغه امريکايي سند او امريکايې شرطونه ځکه نه ښکاره کيږي، چې پدې اسناد و او غوښتنو کې خطرناکي او افغانانو ته د نه منلو شرطونه موجود دى.
په افغانستان کې د امريکايانو تلپاتي لاسوهني، خپلسري عمليات، د افغان حکومت ترڅنگ بلکي دپاسه بل مقتدر حکومت مسلطول، پټ زندانونه او شکنجه خاني ساتل، پر هوا او فضا د امريکايانو هميشيني تسلط ، په افغاني اقتصاد کې د امريکا بربنډه لاس و هنه، په بهرنيو مرستو کې د امريکايانو خلاص لاس لرل اوهغه په خپله خوښه په خپلو څو تنو يارانو ويشل، پر اکثريت افغانانو د لږ کيو مسلطول، په تعليم،کلتوري ديني مسائلو کې کنټرول کول او لاس وهني افغان پوځ په حقيقى معنى کې نه جوړول افغانستان له هوايې او راکيټي ځواکه محرومول او د افغان پوځ شميره راکمول او په افغانستان کې د دريم داسي پټ متوازى قوت رامينځ ته کول او مسلطول چې قومانده به يې د C.I.A او پنټاگون په لاس کې وي جوړول شامل دى.
کابل کې جوړه شوى لويې جرگي ته دافغان او امريکايې حکومتونو لخوانه دستراتيژيک سند په اړه هيڅ ډ ول اړين اومهم تفصيلات او جزئيات ندې ورکول شوي.
د افغان پارلمان يوې ښځينه وکيلي صفيي صديقي ويلي چې د امريکا د متحده ايالاتو د غوښتنو د ستراتيژيک سند عناصر او توکى به مرحم او پټ وى.
معنى دا چې افغانان به بې چون او چرا په دغه خطرناک سند امضا کوي او جزعي او فزعي به نه کوي، او نه هم امريکايان چاته دا حق ورکوى چې څوک د امريکا د متحده ايالاتو دغوښتنو ملي او ستراتيژيکو گټو مخالفت وکړى.
د صفيى صديقي له خبرو معلوميږي چې دا جنابه هم ددغه سند له جزئياتو خبره ده نو ځکه د امريکايانو په خوله خبري کوي.
بله ډيره د شرم او عار خبره داده چې د افغان پارلمان ډيري ښځي په پټه او په تنهايې کې دامريکا له اصلي جمهوررئيس کارل ايکنبيرى سره ملاقاتونه کړي.
دا د افغان تاريخ په طول او عرض کې ساري نلري او دا د همدغه ديموکراسي برکت دي چې نن د ځينو ټيټ سترگو افغانانو ښځي پتلون کړي سر تور سر او په داسي لباسونو کې له خارجيانو سره ملاقات کوي چې هغه ډول لباس يوه ښځه يوازې د خپل شرعى او محرم خاوند لپاره د کور دننه او د کورني ځانگړى ملاقات پروخت اغوښتلي شي.
تو لعنت پر ځينو هغه افغانو ښځو چې خپل مفاتن او مناتن په ټول اخلاقي وقاحت او سپين سترگۍ سره بهرنيانو ته ددي لپاره ښيي چې ځان ته ډالري منفعت راجلب کړى.
ولو که دا کار ددوى د عفت او عرض په هتک او ماتولو هم تمام شي، پدې کار کې شکريه بارکزي صفيه صديقي، فوزيه کوفي، سيماسمر او نوري چې مونږ يې له نومونو سره اشنانه يو مخکښى دي.
ددى خبري سره ماته د مکي پخواني غالباً چې تر اسلام د مخه د يوه قاضي خبره را ياد شوه:
دغه قاضي ته يو کس مکاوي يعني د مکې يوه اوسيدونکي عريضه راوړه او څه دځمکي ستونزه ورپيښه وه، خو کله چې دغه د مکي کس قاضي ته راغلو او قاضي ته يې عريضه وړاندى کړه، قاضي عريضه ايسته واچوله او سړى يې وراټه او له درباره يې رخصت کړ، سړى خپل کورته لاړه او ډ ير پريشانه وه، خپلي ميرمني ورڅخه وپوښتل چې ولي دومره زيات پريشانه او په نوى اصطلاح بيزى يې؟
نوموړى خاوند وويل چې د مکي قاضي زما عريضه رد کړه او دا کار به ماته ډ ير زيات تاوان ورسوي، ښځه چې د شکل او هيئت له اړخه ډيره جوړه وه، خاوند ته يې وويل: چې د ا کارماته پريږده او دا کار ماته ډير اسان دى خاوند بيچاره هم د مجبوريت له مخي عريضه خپلي ميرمني ته ورکړه، کله چې د ده ميرمن قاضي ته ورغله قاضي ملعون بې چون او چرا عريضه امضا کړه او ښځه يې رخصت کړه، کله چې بله ورځ عارض سړى بازار ته لاړ په يوه ځاى کې د قاضي سره مخ شو، له قاضي يې وپوښتل چې تاته زه څو ځله درغلم او عريضه مې دروړله خو هرځل دې هغه ردوله او نه دې امضاء کوله.
قاضي ورته په ځواب دا دوه عربي شعري بيتونه وويل:
××× ليس الرسول الذى ياتيک مؤتزراً×××
××× مثل الرسول الــذى ياتيک عريانا×××
له ژباړى يې تيريږم عاقلان پري پوهيږي.
که داپه پخوانى زمانه کې د قاضيانو حال وو، نن به د امريکايانو څه حال وي، چې زمونږ ځيني ټيټ فطرته هوسي، آزادي ښځي ورځي او يو په يوه تنها يې کې، له امريکايي سفير کارل ايکنبيرى سره ملا قاتونه کوى، صفيه صديقي هم يوه له همدغه ښځوڅخه ده، چې له امريکايانو سره حتى ډيرو ځايونو ته سفر ونه کوي، مونږ ددى خبرو د ثبوت لپاره نه غواړو چې د رسنيوله لاري خپاره شوي هغه انځورونه نشر ته وسپارو کوم چې د دغه جناباتو ښځو په اړه موله يوه او بل انټرنټي مصد ر څخه ترلاسه کړي، خو مونږه خپل ځوريدلى افغان ملت ته يوه خبره کوو چې پدې دې پوه وي چې د افغان پارلمان ځيني ښځي او ځيني نارينه په بشپړ ډول مسخه شوى، افغانيت، اسلاميت، انسانيت، شهامت، غيرت يې له لاسه ورکړى،
بلکي امريکايانو داسي کاني او نخرى پرې کړى چې اوس د امريکايانو پر خلاف د اف ويلو جراءت هم نشي کولاى د ډيرونه خو د دوه افغانو ميرمنو هر يوې شکريه بارکزى او ملا لي جويا داسي انځورونه شته او په ځينو صفحو خواره شوى هم دې چې سړى خجالتوي.
په هر صورت په امريکايې محرم او پټ ستراتيژيک سند کې هر څه خطرناک او دنه منلو دى، ځکه خو صفيه صديقي او سپنتا تاکيد کوى چې دا غوښتني به پټي او محرمي وى.
پدې غوښتنو کې ښايې داهم وى چې امريکايان کولاى شى د خپلو ورکړل شويومشروطو قرضونو او بيحده مالي تاوانونو او لگښتونومقابل کې د افغانستان له خاوري په پټه او ښکاره خام مواد وباسي.
چې ډيرمهم او خطرناک قيمتي مواد يې کره او سوچه يورانيم دى،د امريکايانو ټوله هڅه په همدغه نقطه مرکوزه ده، چې په هغه ولاياتو او ولسواليو کې عسکري شتون ولرى، چې پکې د يورانيمو پراخ ذخاير او منابع موجود دي.
دا ډول امريکايانو د لسو کلونو اشغال پرمهال ټول هغه ځايونه د کشفي طيارو او پرمختلليو ماشينونو او زير زمين دوربينونو او الاتو په واسطه معلوم کړى، چې پکې د سرو زرو، قيمتي کاڼو، پراخو پيټرولي چينو او معادنو شتون حتمي دى، ځکه خو امريکايان غواړي چې غوښتني او شرطونه يې پټ او محرم پاته شي.
هغه کسان غوليدلي چې گويا امريکا به افغانستان له همسايه ملکونو وساتي او په همدغه موخه د په اصطلاح ددايمي صلحي دراتلواوپلي کيد و لپاره خپل شتون اړين بولي.
حقيقت دادى چې امريکا د خپلو ملي بعيدالمدى گټو لپاره افغانستان د ممر او معبر او پل په توگه استعمالول غواړي.
د امريکا بل پلان ښايې دا هم وي چې افغانستان د يوه نظامي اډي په توگه د افغانستان د همسايه هيوادونو پرخلاف وکاروى چې ښايې ايران پدې هيوادونو کې دامريکا لپاره اول انتخاب وى.
ايران داوخت پراخي عسکري هوايې او سمندري ما نوري شروع کړي ترڅو دهرمحتمل امريکايې اسرائيلي ګواښ مخ پرې ونيسي.
داډول امريکا ورو ورو د منځني اسيا، چين، روسيې هيوادونه هم غواړي دافغانستان له لاري ترپرله پسي سياسي فشارلاندي راولي.
سوال دادى چې افغانستان او افغانان به ددغه امريکايې په اصطلاح ستراتيژيکي سند څخه څه گټه ترلاسه کړى؟ گټه خو محال ده خو د تاوان په اړه يې دومره ويلاى شو چې د افغانستان ټول همسايه ملکونه به د افغانانو دښمنان شي.
د امريکايانو تر بيرته تگ وروسته به دغه هيوادونه په يوه او بل نامه له افغانانو انتقام اخلي او ښايې چې افغانستان الله مکړه اشغال او بيايې هم الله مکړه د کردستان په شان په خپلو مينځونو کې وويشى.
دا وخت کردان ملي خپلواک حکومت نلري او په څلورو بيلا بيلو همسايه ملکونو کې لکه ايران، سوريه، عراق او ترکيه کې تقسيم شوى.
دا ډول الله مکړه که له امريکا سره ستراتيژيک تړون امضا شي افغانستان به الله جل جلاله مکړه تجزيه او ټوټه ټوټه شي، د اقليتونو تقويه کول او مستول د همدي خبرى غمازى کوى.
هيره دې نه وى چې مسلح مجاهدين به دا ټولى توطيي شنډوي ځکه افغان مسلح مجاهدين هيواد ساتلاى شي هيڅ ډول بهرني قوت ته اړتيا نلري چې پرمټ يې هيواد وساتي مسلح مجاهدين د جنګ اوږده اوخطرناکه تجربه لري که دامريکايانو ترستنيدو وروسته هرهمسايه هيواد افغا نستان کې دلاسوهني کوښښ وکړي مسلح مجا هدين به يې لاسونه اوپښي ورغوڅي کړي داکارمسلحومجاهدينوته ګران نه دي، او په دې خبره دافغانستان همسايه هيوادونه ښه پوهيږي نوځکه له همسايه هيوادونه ويره کول مناسب ندي مسلحو مجا هدينو ددې خبري تدارک کړي اوپه اړه يې لازم اقدامات کړي اوکوي به يې. دازاد،خپلواک افغا نستان په هيله.