داژوندخوزمونږهم دمحبت لپاره کم دی

دا ژوند خوزمونږ هم دمحبت لپاره کم دی
حیران یم چی نفرت ته وزګاریږی خلک څنګه
 
نن ډیره موده وروسته مې بیا هغه پخوانی شعرپه زړه کې وګرځیده ځکه چی نن ماته داسی محسوسه شوه چی اوس دپښتنو په ټولنه کی مینه نه ده پاته شوې اونفرت دومره زیات شوی چې لاتردې چې اوس مونږ دماشومانو څخه هم کرکه کوواوهمدارنګه هر څوک دډوډوی اورزق په لټه کې دې اوغواړې چی خپلو بچیانواوخپلې کورنۍ ته رزق پیداکړې يواځی دا نده ډیری شمیر داسی ستونزی شته چی پښتانه ورسره لاس اوګریوان دی نن تاسی وګوری چی یوخوا دامن اوسولې ستونزه پخپل ځای پرته ده خوخیر ترټولو ستره ستونزه درزق دپیداکولو ستونزه ده چی ټول پښتانه ورسره لاس اوګریوان دی دهمدی وجی نه تاسو وګورۍ په بازارونوکی ، هډو کی ، چوکونو کی او دسرکونو په سر په سلهاوو ماشومان چی داعمر یی دتعلیم اوزده کړې دی ګنډیرۍ خرڅوي موچیتوب کوی دمستریانوسره شاګردان دي موټرې پاکوي باوجود ددی نه داسی بې رحمه خلک هم شته چی دغوماشومانوته په غصه کیږی اولاتردی چی وار هم پرې کوي کنځل هم ورته کوي اورټي یې .ددغوټولو غبرګونو نو پایله به څه وي پایله یی دماشومانو نفرت دی چی دټولنی دخلکوڅخه یی کوی اودټولنی دخلکو په مقابل کی جدي غبرګون ښیی اوترخپله وسه پورې هڅه کوی چی په هره طریقه وي پیسی لاسته راوړي اودهری لارې نه چی وي ځان مالدار کړي اوهمداوجه هم ده چی دوی دداسې ډرامو لیدلوته لیواله وي چې پکې غریب دخان په مقابل کې جنګیږې اوبیاټوله ټولنه هم داسې ارزیابي کوي اوغواړي چې همداسې عمل په ټولنه کې اجرا کړي چی نتیجه به یې دفساد څخه ډکه اوناآمنه ټولنه شي.ای زمونږ ه پښتنو لږ خو فکر وکړی چی ددغی ماشومانو راتلونکی به څه وی اوټولنی ته کوم ډول ستونزی پیداکولای شی .ددی کار دمخنیوی پخاطر باید موژ جدی ګامونه واخلوهغه دا چی تر خپله وسه پورې دخپل خپلوانواوګاونډیانو سره مرسته وکړواوکچرته دهغوی وس نه رسیږي چی په خپلوبچوتعلیم وکړي نو ورسره بایدلازمه مرسته وکړوترڅودهغوی بچي هم دتعلیم څخه برخمن شي مونږبایدهرکوچني اوماشوم ته دخپل اولاد په څیروګورواودهغه خیرنې جامې اویاغریبي دهغه څخه دنفرت سبب ونګرځي نوځکه زه وایم
چی داژوند خوزمونږهم دمحبت لپاره کم دی
حیران یم چی نفرت ته وزګاریږي خلک څنګه
 
مننه
تاج محمدتمکین
دکوزې پښتونخوادصوابۍ دکمپ څخه