افغانستان - ايرلينډ د درېمې، دويمې او لومړۍ ورځو حال

دويمه پاڼۍ، د درېمې ورځې حال: 

د دې لوبه ژوندی حال په کرکټ یورپ ويبپاڼه په انګليسي ژبه خپرېږي چې کامينټري یا خبرې هم ورسره ليکل کېږي. دلته ټک ورکړﺉ.

د دې لوبې اصول:

د دې لوبو اصول داسې دي چې هره لوبډله دوه وارې منډې جوړوي (يانې دوه پاڼۍ لوبه کوي). دواړه سره جمع کيږي او د هرچا چې زياتې وي نو هغه يې ګټي.

د بېلګې په توګه: که ايرلينډ په لومړی پاڼۍ کې ۱۵ منډې وکړي او افغانستان په لومړۍ کې ۲۰ وکړي. افغانستان د ۵ منډو برتري لري. ايرلينډ بيا منډې کوي. د بېلګې په توګه که يې په دوهمه پاڼۍ کې ۳۰ وکړي نو مانا دا چې د افغانستان د ۵ منډو قرض يې ورخلاص کړ او ۲۵ +۱ يې د بري لپاره هدفه وټاکه. افغانستان به بيا ۲۶ منډې کوي ترڅو بری تر لاسه کړي. خو دا چې افغانستان په لومړۍ پاڼۍ کې مخکې و نو ۶ پواينټونه یا نمرې اخلي. که په لومړۍ پاڼۍ کې هم مخکي وي او لوبه هم وګټي نو ټولې ۱۴ نمرې اخلي.

موخه مو دا ده چې د لومړۍ پاڼۍ دمنډو زياتوالی او کموالی پر دوهمه پاڼۍ تاثير اچوي خو مانا يې دا نه ده چې که يوه لوبډله په لومړۍ پاڼۍ کې د خپلې سيالې لوبډلې څخه وړاندې وي، هغې ګټلې ده. د دواړو پاڼيو (يا څلور ورځو) په پای کې به پته لګېږي چې لوبه چا ګټلې ده.

که لوبه مساوي اعلان شي هر ه لوبډله به ۳، ۳ نمرې اخلي. او که څوک په لومړۍ پاڼۍ کې مخکې و خو لوبه یې بايلوده، ۶ نمرې اخلي.

لومړۍ پاڼۍ، درېمه ورځ:

لومړۍ پاڼۍ، دويمه ورځ:

د لومړۍ پاڼۍ دويمه ورځ پای ته ورسېده او افغانستان د درې لوبغاړو په سوځېدو ۲۶۳ منډې کړې دي. ايرلينډ په لومړۍ پاڼۍ کې ۴۰۵ منډې کړي دي. افغانستان  ته د ګټې لپاره ۱۴۲ منډې په ۷ ويکټو پاتې دي. افغانستان به پاتې ۷ ويکټې سبا ته لوبوي.

لومړۍ پاڼۍ کې کپتان نوروز منګل (۸۴) منډې وکړې. نوروز منګل ۱۶ څلوريزې ووهلې. شبير نوري د نن ورځې بل ستوری و. د نوروز سره یې د۱۰۴ منډو او شهزاد محمدي سره یې د ۸۲ منډو ملګرتيا وکړه او تراوسه یې (سره د دې چې نه دی سوځېدلی) ۴۴ منډې کړي دي. شهزاد محمدي هم لا نه دی سوځېدلی او ۶۰ منډې یې کړي دي.

نن تر ټولو لومړی کريم صادق په ۱۹ وسوځېد خو د نور علي ځدراڼ سره یې د ۷۲ منډو ملګرتيا وکړه او دنور علي نوري۵۳ ته یې لاره هواره کړه.

- شهزاد نيمه سليزه ووهله.

- محمد شهزاد راووت

- نوروز په ۸۴ منډو وسوځېدو. کيچ شو. نوروز او شبير د ۱۰۴ منډو ملګرتيا وکړه.

- له ۲۰ تر ۳۰ اورونو نور امکان هم شته چې نن وشي.

- د شبير درملنه وشوه. تاج ملوک راته وايي چې شبير کمبل او بستره له ځانه سره لوبغالي ته وړې ده او نوروز تېزه لوبه کوي.

- په ۴۷م اور کې شبير د ايرلينډ د یو لوبغاړي په ګوذار هغه وخت ولګېد چې شبير د یوې منډې کوښښ کاوه. شبير خوږ شوی دی او درملنه یې روانه ده. خو توپ له هغه وروسته چې په شبير ولګېد له لوبغالي ووت او څلور اضافي منډې شوې.

- په پرونې لوبه کې د ايرلينډ د لوبغاړي پورټفيلډ چې ۷۶ منډې یې کړې وې  انځور دلته وګورﺉ. په لومړۍ پاڼه یې د په سريلانکا کې د ملي لوبډلې د کيمپ په انځورونو کې هم ليدلای شﺉ.

- په پرونې لوبه کې د محمد نبي له خوا د لومړۍ ويکټې د اخيستو انځور دلته وګورﺉ. په لومړۍ پاڼه یې د په سريلانکا کې د ملي لوبډلې د کيمپ په انځورونو کې هم ليدلای شﺉ.

- خروټي صيب: ميرويس اشرف د کندز ولايت دی او په ۱۹۸۸ کال کې زېږېدلی دی. نن د ۲۱ کالو او ۲۰۶ ورځو (تقريبا ۷ مياشتو) دی. په ښي لاس بيټنګ کوي. او تېز ښي لاس توپ اچونکی دی. د انځور لپاره یې دلته ټک وکړه.

- په ۳۹ اور کې د چای وقفه شوه. ۲۰ دقيقې وروسته لوبه بېرته پيل کېږي.

- نبي خانه: همدا اوس راته تاج ملوک وويل چې حميد حسن، شاهپور ځدراڼ، او عبيدالله کنړی ښه شوي دي او نن بېخي روغ دي.

- نور علي کيچ وسوځېد.

- کريم صادق وسوځېد.

- نور علي ۵۰ منډې پوره کړې.

- اوس د غرمې ډوډۍ تفريح ده.

- کريم صادق او نور علي د افغانستان بيټنګ پيل کړ.

 _____________

لومړۍ ورځ

د افغانستان او ايرلينډ د څلور ورځنۍ لوبې د لومړۍ پاڼۍ لومړۍ ورځې له پای ته ورسېده. په لومړۍ ورځ د ايرلينډ ۷ کسان وسوځېدل او ۳۲۴ منډې یې وکړې. ايرلينډ ۹۸ اورونه لوبه وکړه. په لومړۍ ورځ سميع الله شينواري ۳، حميد حسن ۲، کريم صادق ۱، او محمد نبي ۱ ويکټه واخيسته.

سبا ته به لوبه له همدې ځايه پيل کېږي. د ايرلينډ پاتې ۳ ويکټې به لوبېږي او چې کله ټول ۱۰ ويکټې وسوځي، افغانستان به بيټنګ پيلوي.

لومړۍ پاڼۍ، لومړۍ ورځ:

د لومړۍ ورځې مخامخ حال:

- د نن ورځې لپاره لوبه پای ته ورسېده. لوبه به سبا ته له همدې ځايه پيل کېږي.

- اوم لوبغاړی (خطرناک وايټي) وسوځېد. د حميد حسن په توپ کريم صادق کيچ ونيوه.

- شپږم کس وسوځېد. کپتان نيل اوبراين د کريم خان صادق په توپ شهزاد کيچ کړ. نوموړي په ۶۶ منډو وسوځېد. تر اوسه د ايرلينډ تر ټولو ډېرې منډې پورټفيلډ کړي دي چې ۷۸ منډې دي.

- نوروز منګل پخپله توپ اچونې ته راغی.

- محمد نبي په ننۍ لوبه کې دا دی ۱۸م اور کوي.

- نيل اوبراين تر اوسه (۷۸م اور) ۴۱ منډې کړي دي. که زر ونه سوځي کار خرابوي.

- ۷۵ م اورکريم صادق کوي. دا یې نن درېم اور دی.

- په حميد حسن په ۷۴م اور کې څلوريزه ولګېده.

- زماي صيب: تاج ملوک وايي چې حميد حسن بد نه دی (۷۰٪ ښه دی)، خو شاهپور او کنړی لا ښه نه دي. دعا ورته کوﺉ.

- په حميد حسن  په ۷۰م اور کې څلوريزه ووهل شوه.

- اوس په سريلانکا کې مازديګر ۴ بجې دي. کېدای شي چې نن ۲۰ تر ۲۵ اوره نوره لوبه هم وشي. هيله ده چې تر هغې مخکې یې پاتې لوبغاړي هم وسوځوو.

- تاج ملوک راته پرون وويل چې عبيد کونړی جوړ نه دی او ځکه په ننۍ لوبه کې نشته. د دې هم امکان و چې حميد حسن او شاپور په ننۍ لوبه کې برخه وانخلي. حميد حسن دا څو ورځې ملاريا و. تاج وايي چې په سريلانکا کې د ملاريا غوماشي ډېر دي.

- تاج ملوک راته د ټيلي فون په ليکه وویل چې پنځم کس هم وسوځېد. د ويکټه هم سميع الله شينواري واخيسته. ال بي ډبليو یې کړ يانې پښه یې له ويکټو مخکې ايښې وه او توپ یې په پښه ايسار کړ.

 - درمند صيب: ستا یې ومنله. دولت احمدزی توپ اچونې ته راغی. نهم اور یې روان دی.

- کيون اوبراين او نيل اوبراين دواړه وروڼه دي. دواړه بيټنګ ته ولاړ دي.

- څلورم کس هم وسوځېد. شهزاد سټمپ کړ. اخري دوه ويکټې دواړه د سميع الله شينواري په توپونو واخيستل شوې.

- درېم کس هم وسوځېد. شهزاد یې کيچ ونيوه.

- حميد حسن دويمه ويکټه واخيسته. سميع شينواري کيچ ونيوه. د ايرلينډ کپتان په ۷۷ منډو وسوځېدو.

 - حميد حسن تر اوسه په ۷ اورونو کې ۹ نوبال کړي دي.

- په ۴۰م او او ۴۱م اورونو کې په محمد بني او شاپور درې څلوريزي ووهل شوې.

- تر اوسه د افغانستان ۷ لوبغاړو توپ اچولی دی. نن نور علي ځدراڼ هم توپ اچوي. دا کار مخکې نه و شوی.

- د ايرلينډ لوبغاړی د محمد نبي په توپ حميد حسن کيچ کړ. د ايرلينډ دې لوبغاړي (ويلسن) ۵۳ منډې وکړې.

- افغانستان نن پنجشنبه په سريلانکاکې د انټرکانټننټل لوبو په ترڅ کې د ايرلينډ سره څلور ورځنۍ لوبه پيلوي. لوبه پيل شوه.

ايرلينډ پچه وګټله او بيټڼګ کول یې غوره کړل.