اولمپیک اتمه ورځ: چین ۲۷، امریکا ۱۶،جرمني ۸، او ج کوریا او اسټرالیا اووه اووه د سرو مډالونه ګټلي

نن د جمعې په ورځ د اولمپیک د لوبو اوومه ورځ پای ته ورسېده. دا مهال د سرو زرو ۲۷ مډالونو په ګټلو چین تر ټولو مخکې دی. تر اوسه د مډالونو د ګټنې په اساس د هېوادونو ترتیب په لاندې ډول دی:

    هېواد              سره زر         سپین زر        برونز              ټول

۱. چين               ۲۷              ۱۲                 ۷                   ۴۶
۲. امریکا             ۱۶              ۱۶                  ۲۲                 ۵۴
۳. جرمني            ۸               ۵                   ۵                   ۱۸
۴. جنوبي کوریا     ۷               ۹                   ۴                   ۲۰
۵. اسټرالیا          ۷               ۸                  ۱۰                   ۲۵

جاپان او بریتانیا د سرو زرو اووه اووه، ايټالیا د سرو زرو شپږ، روسیې او یوکراین د سرو زرو پنځه پنځه، فرانسې اوسلواکیا د سرو زرو درې درې، جورجیا، چک، رومانیا،نیوزیلینډ، هسپانیې د سرو زرو دوه دوه مډالونه ګټلي دی.

افغانستان او اولمپیک

د افغانستان څلور لوبغاړي هم په دې لوبو کې برخه اخلي. نثار احمد بهاوي او روح الله نېکپال په تیکواندو کې، او مسعود عزیزي او روبینه د منډې په لوبو کې برخه اخلي.

 ډېره هیله شته چې د افغانستان د تیکواندو لوبغاړی نثار احمد بهاوي - چې  د ۶۸ کیلو وزن په لوبو کې برخه اخلي - یو مډال وګټي. نوموړي د تیکواندو په نړیوالو سیالیو کې د سپینو زرو مډال ګټلی دی. که  نثار احمد مډال وګټي نو دا به اول ځل وي چې افغانستان د اولمپیک په لوبو کې مډال ګټي.

نثار احمد د اګست په ۲۱ نېټه لوبه کوي.