دا سترګې مې د زرواره صبرونو باوجود
اوريږي دباران غوندې اوس هم شېبه، شېبه
***
يو سترګې خوڅه نه دي دوفا په ښاريه كې
ته راشه چې په لار كې درته زړونه وشيندو
***
خېركه تباشوم زه دې پرېښوم درقيب شوې اشنا
ماهم له چاسره په مينه كې وفا خو وكړه
***
د سترګو يوه نظر شوخۍ په بدل
شو په نصيب ېې د مړو اوښكو باران
***
زه كه رسوايم ستا له لاسه يمه
له دې نه ته هم انكار نشې كوى
***
سوچ كوم زه چې ستا له تګ نه وروسته
زما په دې كلي كې څه پاته دي
***
د ښار امير ته د اغزي په تكليف ژاړي خلك
د غريب وينه چې بهيږي شاهدي نه وايي
***
نفرت وي او كه مينه او كه غم كه خوشالي
يوهم له ضرورت نه اضافه نه كوو موږ
***
د دېوال په هره خښته زما نوم دى
خو، بيا هم كلى دا ستا په نوم ياديږي
***
دا ته څه وايي د چا زړګي ته وايې ؟؟
چې زه به تا او ته به ما هېره وې
***
نن ېې چې بيا د دوستۍ لاس را اوږد كړ
كېداى شي ما پورې ېې كار بند وي
***
ستا په لټون پسې كوڅو كې د ياد
يم سرګردان د وچې پاڼې په شان
***
كه په ګلشن كې دګلونوټولول جرم وي
نو له اغزونه راته ډكه كړئ زمالمنه
***
ډېرمشكل ده له څېرې چې زړه معلوم شي
ژور خلك اسان نه پېژندل كيږي
***
څه وېرونكې خاموشي ده پلونه نه ښكاريږي
دزړه كوڅې مې څومره شاړې دي راځې اوكنه ؟
***
ستاهېرول دي راته داسې اشنا
لكه اوبه چې مخ په لوړ بهيږي
***
زړه راته وايي چې كيداى شي جانان هم خفه وي
زړه خونادان دى زړه په ډېرو قيصو نه پوهېږي
***
په خپل ټكري په ستارو خومې نوم ونه ليكې
زه خودې خوب يم په لېموكې درنه ځاى غواړمه
***
ستا خيال وو چې له سترګومې باران غوندې راتلې
دا اوښكې ستا له خيال سره ګاونډكې اوسېدې
***
خوشبوبه د خلوص درته راځي زماله تنه
زه ګل يم او دمينې په يو ښاخ باندې اوسېږم
***
هنداره مخ ته كېږدي خدايه هغه فتنه ساز
ترميم كوي همېش د ښكلاګانو د شهكار
دا بیتونه د شېرالله مراد دي چې ګران ملګري داوود تپان را استولي دي، مننه ترې کوم او له نورو ملګرو هم هیله کوم چې د خپلې خوښې بیتونه راواستوي
په درنښت
نذیر
