ترشپو راوخيږي په ورځوکې قطار شي لېمه

دوخت له رنګ نه لپي ډکې کړي خمارشي لېمه

 

دوخت پاچا !  په استثنا يې ټينګار ځکه کووم

ښکلي به څه وينو ؟ له مونږ نه که په دارشي لېمه

 

حيران په دې يم چې جانان يې همېش قدرکړی

دومره په نه خبرمې ولې ترې ازار شي لېمه

 

چې څوک دې يادکړي يابيا ستادراتلوغږشي کله

لکه واړه ماشومان تاته انتظار شي لېمه

 

سترګې دې جارشم راته ګوره نظر مه اړ وه

پرېږده چې  روږدي دې ليږنورهم په دې کارشي لېمه

 

ساده سپين زړي يې له کلي خلک راوړي دلته

دښاراينو کې چې ځان وويني هوښيار شي لېمه

 

غضري هسي دي عبث زړه په اميد تړلی

تاته به څنګه په دې تورقيسمت سينګار شي لېمه

د لېمې له يادولو سره يې كاپي كول پروا نه لري