څوک مي په زړه ووروې ؟

د چا په لاس کى پاڼې پاڼې ګله !
د چا په پښو کې دي پرېوتې پاڼې
د ماتې مينې نښه
يا  د جانان بې وفايي نښانه
چا يې په قات د کتابو کې ايښى
چا هم د چا لپاره
په تور وربل ټومبلی
دچا د غاړې هار يې
د چا د قبر زينت
د دوو مينو تر مېنځ
د ښو شېبو گواه يې
د تنهايي همدم يې
د ژوندون هره لحظه
ستا له خوشبو نه ډکه
نن هم زما په وړاندې
زما د کتاب پاڼو کې
تيرو يادونو سره غلی پروت يې
ستا دا تل پاتې خوشبو
او ملايمې پاڼې
څوک مي په زړه ووروي

د لېمې له يادولو سره يې كاپي كول پروا نه لري