خير کړې خدايه ! بيا مي خوب کې دي ليدلي مړي
په سپينو سپينو کفنو کې وو پېچلي مړي

د شرمښانو ګله راغله بيا دا پوري دښت ته
لکه چې بيا يې په كېږديو کې موندلي مړي

چې څه کرلي وو له کره مو ميوه هم يووړه
چېرته را شنه نه شوو زموږ هغه کرلي مړي

د زړه هلمند کې مي د غم بمبار کې هيلې سوځي
سترګو کې ښکاري د خيالونو څو سپېڅلي مړي

بيا د بازار په منځ کې درب سو واى جهاد يې وکړ
هغه دى ګېر چاپيره ښکاري سوځېدلي مړي

دلته په يو قبر منډلي لس او شل سرونه
هلته يې يو وړه طيارو کي نازولي مړي

سترګو ـ څه ـ ورو په ورو بهېږي ارمانجنې اوښکې
لکه زندان څه چې راباسي کړېدلي مړي

موږ چې ورځو ولې د زړونو امېلونه وروړو
ځان سره راوړي چې راځي موږ ته پېيلي مړي

لو هديره د يو کوچني کلي تر څنګ پرته ده
پاڅونه !!! ته وا له اسمانه اورېدلي مړي

د لېمې له يادولو سره يې كاپي كول پروا نه لري