زما پر سينه باندې قدم ږدي او زما ورور قتلوي
دا بشر دوسته هر بشر په داسې تور قتلوي

له دې سړي د ركنيت پوښتنه ځكه كوو
چې دې وطن ته خاموشي راوړي او شور قتلوي

لكه قضا لمونځ مي را ګرزوي په هر ساعت كې
ما ورولي او په ما بېرته زما ورور قتلوي

زه يې د سر صدقه غواړمه له خپله ځانه
جانان پښتون دى ځكه ما پرېږدي لاهور قتلوي

د مېلمه پالي تر څادر لاندې شته داسې مېلمه
چې په پښتون باندې يو څو پښتانه نور قتلوي

په هر سخته كې مو ستا مرسته هيڅ وو نه ليده
بس ما نصرت دوى همېشه په دې پېغور قتلوي