عشقه !! دښکلا په فرښتوبه دي نوم ولیکم
تندې !!که ژوندی وم په پیالو به دي نوم ولیکم

یومې وړې دخدای کعبې ته لا له ځیله نه اوړې
نه چې منې زړه  ! په بوتکدوبه دې نوم ولیکم

اوس چې لکه سور دروح په تال باندې  راګډه  شوې
مه درومه سندرې!!  په نغموبه دي نوم ولیکم

تم شه لکه مات ستوری په منډه رانه مه تښته
نه وینم تیاره ده په سپیدو به دي نوم ولیکم

څوبه دا اغزي اغزي وختونه ستاپه غېږکې وي
ګله!!  یوه ورځ په اننګوبه دي نوم ولیکم

ویل یې غضري ! دومره ارزانه دي ځان مه ګڼه
مړکه شوې  په څوماتو بنګړوبه دي نوم ولیکم