دلېمې درنو مينه والو !

لېمه له خپلو ټولو مينه والو او په ځانګړې توګه له ښاغلي سعيد لودين صاحب څخه بخښنه غواړې چې په غلطۍ سره  د ښاغلي سعيد لودين غزل د سعيد زابلي په نوم خپره شوې وه .

هيله ده بخښنه ور باندې ولوروئ . 

 

نه خو حساب لرو د ستورو نه سالار سره ځو
هسې كاږه واږه روان يو له ښامار سره ځو

 
چې د پېړيو قاتلان قهرمانان شي دلته
ځكه خو مونږ وطن پرسته لاس كې دار سره ځو


وخت چې د وېش  شي هر يو ځان ته غټه برخه واخلي
مونږ يا صابره يو او يا هم له انكار سره ځو


چې د تيارو و رڼېدو ته يې ځانونه سوځل
ها شمعو نه ويل چې مونږ به له سهار سره ځو


تا چې به تل باله د خپلو سجدو لور سعيده!
له هغه كلي نن ترټلي له پرهار سره ځو