ډېرمحترم، دروند او قدرمن عابد صاحب!
د سلام او احترام په وړاندي كولو.
ستاسو شاعري خو مي لا پخوا لوستې وه چي ها د چاخبره پرې مئين وم. اوس چي مي ستاسو وبلاګ ولوست، نو په رښتيا چي توره كوئ.خداى مو راته ژوندي، فعاله او خوشاله لره.
دا دى زه هم خپل يو غزل درلېږم څو كه ئې وړتيا درلوده، پر ليكه ئې كړئ.

لېمې مي ډكي پېمانې دي په شوګير د سپوږمۍ
رڼې چينې دي پكښي وګوره تصوير د سپوږمۍ
ما ئې درشل ته د لېمو كچكول په سوال ونيوى
پكښي د اوښكو ستوري واچول امير د سپوږمۍ
بې شمېره ستوري د زخمونو مريدان لري اوس
زما د زړه په ښار كي واړوله پير د سپوږمۍ
ډيري د ستورو خزانې ئې په ولجه كي يووړې
زما د اوښكو كاروانونه دي اسير د سپوږمۍ
د ستورو جام مي په لېمو كي ترې را پرېووت ثنا
څومره بې باكه پر دې لاره ؤ بهير د سپوږمۍ

ستاسو د سوكالۍ په دعا

عبدالنافع ثنا - كندهار