افغان ادبي بهير خپله اوونيزه غونډه د ١٣٨٧ل کال د غبرګولي په ٣ نيټه چې ٢٠٠٨ م کال د ٢٣ نيټې سره برابره وه، په پروان مينه کې د نادريې ليسې تر څنګه د يار موسسه کې د جمعې په ورځ ماسپښين درې بجې په تلاوت پيل شوه. د غونډې رييس استاد سعدالدين شپون او ميلمنه يې شازيه افغان وه. د تيرې غونډې راپور رحمت صاحب وکړ او وياند يې هارون حکيمي و.
اسمعيل څپه خپل طنز د کره کتنې له پاره وړاندې کړ چې ښيګڼې او بدګڼې يې ورته په ګوته کړای شوې. ورپسې يوه آزاده مشاعره شوه چې په لسګونو شاعرانو په کې خپل شعرونه وويل. په غونډه کې تر شپږشلو شاعرانو، ليکوالو او د شعر او ادب مينه والو ګډون کړی و.
پريکړه شوه چې راتلونکې غونډې ته به سيدجلاني جيلان خپل غزل کره کتنې ته راوړي.
د غونډې د ګډونوالو يو څنډه
استاد سعدالدين شپون
پير محمد کاروان
نور الحبيب نثار
شازيه افغان
دغونډې وياند هارون حکيمي
حکمت سروش
تڼيوال صاحب
د غونډې يوه بله څنډه
25.05.2008
- baz
په هيواد کې چې نسبي امنيت رامنځته شو دی، نو له کابل نه په سلکونو خلک چې د ژوند د مختلفو طبقو سره تړاو لري، د جمعې په ورځ پغمان ته د سيل او ميلې له پاره ځي. پغمان ته ډېرې کورنۍ هم د سيل او ميلې له پاره چې هملته ښځې او نر د خوړ په غاړه پينډه جوړوي او اخلی پخلی هم کوي. په پغمان کې سماواتونه او هوټلې هم ښې پريمانه جوړې شوي دي خو اکثره خلک له ځانونو سره د اخلي پخلي لوښي وړي او ځانونه ته پخپله خواړه پخوي....
27.05.2008
- baz
د کابل لمرپريواته ته د قرغې بند جوړ دی چې د جمعې او رخصتيو په ورځو کې په زرګونه خلک د سيل او ساعتيرۍ له پاره ورځي. څه شل کاله پخوا چې ما لا قرغه نه وه ليدلي له يوه دوست سره په اسلام اباد کې راول ډيم ته ورغلی وم. دوست مې په کابل کې ډېره موده تيره کړې وه، ويل يې چې د راول ډيم د قرغې له بند سره دومره توپير لري چې قرغه کې کشتۍ نه شته. اوس چې دا شپږ کاله کيږي چې زه په کابل کې جره اوسيږم، او د رخصتيو په ورځو کې چکر وهلو ته پريمانه وخت لرم، په لسګونو وارې به د قرغې بند ته هم تللی يم. دلته هم د سيل ل...
