ډاكټر وسا اوس سي ډي سي ته په دې سوب كمه راتله ، چي يو خو يې دَ اېم فل تهيسس په ورستۍ مرحلو كي وْ او بل يې په عرب ليګ كي ځانته جاب هم موندلى وْ نو ځكه به زياتره وخت سېلاني له هغې سره په ډاوْن ټاوْن كي ليدل كتل كولو نو ځكه خو كه هغوئ كله كله ماخستن مال دَ مقعطم په كارنيچ كي له يو بل سره څنګ په څنګ ليدل كېدلو نو مازيګرونه به يې دَ قاهره ښار دَ مهندسين او زمالك دَ شاپنګ مالونو پرته په قصرنيل ، طلعت حرب سټريت، په رود نيل باندي جوړ غټ پُل سره سره ټرېډ سېنټر پلازه ، رعمسيس هلټن پلازه ، خان الخليلي ، دَ امريكن يونيورسټۍ مخي ته لائبرېرۍ او دَ مېكډونالډ شاوخواته تېرولو -
هر څو كه سيلاني ډېر خوشاله وْ، خو دَ سوپيس وېره يې لا له زړه نه وه وتلي ولي چي هغې دَ خپل هوسي كست په وړاندي هره ورځ هغه ته په يوه نا يوه چل دَ زړه دُوك څه وركولو بلكې وخت بې وخته يې هغه په ټېليفون باندي داسي هم تنګولو لكه هغه بله ورځ چي يې لا داسي هم ورته وئيلو ..
" ګوره .. دا مي وَ تاته ورستى وارننګ دى ، چي كه ته دَ يودېرشم دسمبر په شپه تر دولس بجو پوري له ما سره نه شوې زما په خوښه ملاوْ ، نو په دې بله ورځ به زه وَ وسا ته نه يوازي ستا عكسونه ښئيم ، بلكې هغې ته به دا هم وايم چي .. "
بيا كه هر څو سېلاني وَ هغې ته دَ هغې دَ دروغجنو دعوْ احساس وركولو هڅي كولې ، خو هغې به بيا بيا داسي ورته وئيلو ..
" هو ، زه دا هم منم چي تا هيڅ نه دي كړي او نه يې كولى شې لاكن زه غواړم چي ستا دغه كبر درمات كړم ، چي ماته يې دَ انا مسئله را اچولي ده او دا به ضرور پوره كوم .. څله ؟ په دې هم ته ښه خبر يې"
سېلاني به نور اوس مخته څه وئيلو؟ چپ له دې چي فون بند كړي لاكن هغه وه ، چي دَ روژې په لومړۍ ورځ ګوا په دېرشم دسمبر يې لا هم چي ورته دهمكۍ وركړه ، نو هغه ورته له خشمه له خلې داسي لاس واخيستلو ..
" اې دَ كافر فرعون لُوري .. خداى دي ژبه ګونګه كړه لږ خو له دې روژې مباركي حيا وكړه، خو ځانته مسلمانه لا هم واې"
لاكن هغې دَ دې هر څه اورېد لو پرته هم ورته وئيلو ..
" زه نه يم خبره بس .. سبا شپې ته دي زه له دولس بجو څخه تر دوْ بجو پوري دَ كارنيچ په " پېراميډ ز وئيو" رېسټورېنټ كي لاره ګورم مخته ستا خوښه .. كه راځې او كه نه"
دومره وئيلو ورسته هغې چي فون څنګه په قهرناكه انداز يښى وْ ، نو وَ سېلاني ته يې دَ دهمكۍ دَ شدت احساس په ورستي وار ځكه شوى وْ ، چي هغې بيرته تر دې بل ماخستنه تر هغه وخته پوري لا هم فون نه وكړو، چي هغه دَ حسن او ګل چهره تاجكۍپه ست دَ روسۍ پېغلو له خوا په غوره كړل شوي نيو ائير پارټۍ كي دَ ګډون په نيت له فلېټ څخه وتلو-
_ 2 _
پارټۍ څه وه؟ تر قيامت له مخه قيامت وْ ، چي راغلى وْ ګوا نن خو روسۍ پېغلو په دې ساړه ژمي كي دَ ټمك يخ په ضد چي څنګه اهتمام كړى وْ ، نو له بركته يې په هغو دوْ لوستو تكو تورو مني سكرټونو او تر سينو پوري محد وده شرټونوكي لا هم ګرمي كېدله ځكه خو چي به يې كله دَ راغلي مېلمه ملګري لور ته سروس كولو په نيت تګ كولو، نو هغه به سترګي داسي ترې اّرپار كولې ، لكه هغوئ چي دَ غوښي بدنونه نه ، بلكې په هوا كي تحليل شوي غېر مرئي وجودونه درلودلو-
او بيا دَ نوي كال هغه لومړۍ لمحه څه وه ، چي له راتګ سره يې هغه مستياني هم ګنډلي راوړلې ، چي سېلاني په لومړي ځل نه يوازي ليدلي وې ، بلكې سنجولي يې هم وې نو ځكه خو هغه خاتونا، چي تر پرونه يې دَ هغه په لور په سمه نه كتلو.. دې وخت داسي دَ هغه په وړاندي په رقص كولو پارَېدلي وه ، چي هغه په ځان وَ وېرېدلو، چي چرته هغه بيا دويمه سوپيس نه شي ورته نو ځكه يې وَ ګل چهرې ته دَ هغې دَ ليري كولو دپاره چي څنګه وَ وئيلو، نو هغه پخپله هم ورسره دَ لېونتوب پُولي ولانګلو ته په دمالي انداز چمتوشوه -
بُوبا جُوف چي نن يوازي وْ دې وخت په هغو پېغلوكي داسي ور ايله وْ ، چي دَ خپل تور مخ په شان يې اند رون هم تك تور ښئيلو نو ځكه خو سېلاني دَ يوې بلي ويري دَ احساسولو له كبله سپك پورته شو او ټولو ملګرو ته يې دَ نوي كال مباركي بيا وركولو سره سم چي دَ هغو په اجازه له فلېټ څخه دباندي كله ګام ږدلو، نو دَ ګهړۍ ستنو يې پام دَ هغې دهمكۍ په لور واړَولو ، چي زياته يې په وخت ختمېدلو كي فقط اّخيري ګهنټه پاته وه اوس به لا هغه دَ هغې سوپيس په نوم دخپل انكار اّخيري فېصله ليكله ، چي وسا يې له خياله وَ سترګو ته څه وَدرېدله ، چي په مزغو كي يې دَ سوپيس دَ غوښتني په سمون درسته ډرامه داسي په وير دَ انجام په لور له داسي ابدي ساند و سره رهي شوه ... چي سيلاني يو ځل بيرته له خياله خپل ځان په هغو رېګجنو دښتونو كي وَ سنجولو، چي چرته تر ليري ليري پوري ژوند دَ هغو خوبونو په لور بې تعبيره كېدلو، چي هغه په څنګه څنګه ستړياوْ تر دې ځايه پوري رالنډ كړى وْ نو ځكه خو يې له خلې يوه چيغه وَ وتله او له ځان سره داسي ګويان شو-
" " وسا اې زما خوږې وسا.. زه هر څه كولى شم ، لاكن ستا دَ بېلتون رنځونه نه شم سهلى
او دومره وئيلو ورسته يې بيرته قد مونه په هغه لور ګوره چي په كوم نيت غبرګ شولو؟ چي چرته يې دَ تهائي هېواد ښاماري سوپيس دَ وسا دَ ميني په سودا دَ هغه ضمير تر پښو دلاندي كولو په نيت انتظار كولو-
_ 3 _
" " وَ منه سوپيس.. چي زه به ټول عمر لكه نوكر ستا دَ كور چوپړ وهمه ، خو بس ته زما دا خبره ومنه
څومره څومره چي سېلاني دَ هغې په وړاندي خپله ځولۍ غوړَوله ، نو هغومره هغې په ټينګه باندي وَ خپل كست ته اوږې وركولې او سېلاني يې له ځان سره په هغه لاره وړلو لګيا وه ، چي كه څه هم دَ هغې دَ كلتور په سمون بد كار نه بلل كېږي ، خو سېلاني ورته دَ ضمير قتل ځكه وئيلو ، چي هغه اوس دَ چا امانت ګرځېدلى وْ او په امانت كي خيانت دَ هغه نيږدې تر ټولو لوى جرم وْ "
اوس لا دَ سوپيس فلېټ له دې ځايه دَ لسو منټو په واټن باندي وْ ، چي دَ هغه له پښو مځكه يو دم هغه وخت وَختله ، چي ډاكټر وسا يې په ساهكېدلي انداز كي ناببره مخي ته دنګه وَدرېدله ..
" " چرته وې ته سېلاني؟
اوس به لا سېلاني ورته كپ نيولو،چي هغې اوږدې اوږدې ساه اخيستلو په ميان كي دَ هغه په اوږه باندي لاس ږدلو ورسته مخته خبره داسي پوره كړه ..
" دَ دې كارنيچ كوم كوم كونج مي په تا پسې نه وَ كتلو"
او بيا يې دَ هغه لاس داسي په دواړو لاسونو كي په خوند وَ نيولو، لكه دَ يخ ژمي په دې نيمه شپه كي دَ سوپيس سره دَ سېلاني دا يوازي ګرځېدل چي ګرسره هيڅ خبره نه وي نو ځكه خو هغه هم زړه ورباندي پيدا كړو او ورته وئيلو يې ..
" ډئير.. موږ دغه يُو، چي دَ حسن او خاتونا له پارټۍ څخه را روان يُو او دې سوپيس غوښتلو، چي هغه لږه وَ كور ته نيږدې كړم"
" " هو، دغسي خبره ده وسا لكه سېلاني چي واي
سوپيس ، چي دې وخت يې كېدلى شو، چي دَ وسا په وژلو لا هم زړه نه وى سوړ شوى ، هم دَ سېلاني په خاطر چي دَ هغه په دروغو كي ورګډ ه شوله ، نو سېلاني يې له ډېري خوشالۍ په دې تيارې كي په ادوم باندي نوك دَ منني دپاره څه جګ كړو ، چي هغې دا وَ ګڼلو، لكه هغه چي ورته واي ..
" " بس ته فكر مه كوه سوپيس .. چي كله هم موقعه پيدا كړم ، نو ستا په خذ مت كي به حاضر شم
نو ځكه خو هغې هم اوس دَ هغو دوْ مئينانو په ګپو كي ډېره په خوند برخه تر هغه وخته پوري اخيستله ، چي دَ هغې فلېټ نه وْ را نيږدې شوى -
دَ سوپيس رخصتولو ورسته چي بيرته هغوئ دواړه دَ كارنيچ په لور ګامونه دَ وسا په خوښه اوچت كړي وْ نوكه څه هم سېلاني غل غل كېدلو ، خو هغه څومره دَ صفا ذهن خاونده ده؟ دَ منال دا خبره يې نن بيا بيا وَ مزغو ته نه يوازي راتله بلكې دَ هغې قد ر يې په زړه كي نور نور زياتېدلوهم لاكن چي كله په هغه رېستتورېنت كي ، چي لږ ساعت مخكي ورڅخه هغه او سوپيس ولاړ شوي وْ ته څنګه لاس په لاس ورننوتلو، نو وېټرانو هغه ته په بيا بيا داسي كتلو لكه هغه چي ډېر غټ WOMANIZER وي خو كور يې ودان چي سوال يې نه ورباندي وكړو ګني دَ وسا وَ مخي ته به يې خړ كړى وى -
" " له سبا څخه خو ستا دَ لسو ورځو چټهياني هم شروع كېږي وايه سېلانيه ..څه به كوې په كي ؟
" " خوبونه .. بل هيڅ نه
" " واوْ .. بيا خو دي مزې دي
او دَ هغې له دې خبري سره سم ګپه ورو ورو دَ هغوئ دَ راتلونكي سباوْن په لور داسي په خوند خوند غزَوني وكړې ، چي ګرسره په دې نه شول پوهى ، چي څنګه بيا پېشلمى شو نو ځكه چي كله دَ پېشلمي ډوډۍ خوړلو ورسته څنګه دواړه له \" پېراميډ ز وئيو رېسټورېنت\" څخه دباندي راختلو ، نو يې دا خبره فېصله كړي وه ، چي هغوئ به دَ بل خبري تر هغه دمه نه مني ، چي خپله يې تصديق كړي يا ليدلي نه وي -
_ 4 _
څنګه څنګه چي وړوكىاختر رانيږدې كېدلو، نو دَ قاهره دَ ماښامونو خوند او پند نور نور زياتېدلو هم په دې خو به سېلاني كه دَ ورځي په سي ډي سي يا كور كي ليدل كېدلو، نو ماخستن مال به له وسا يا ملګري پُو او منوېلا فېميلي سره دَ قاهره په بېلابېلو علاقو كي كله كله ، خو دَ خان الخليلي په كېفو كي زياتره ليدل كېدلو -
كمپوډين ډاكټر پُو كه څه هم دَ بُدها دَ لاري سړى وْ ، خو دَ مسلمانانو سره دَ ملګرۍ په خاطر يې كه روژه نه هم نيوله ، خو په ښكاره يي خواړه نه خوړلو، بلكې له سېلاني سره به يې په روژې ماتونو او پېشلميانو خورا خوند هم اخيستلو نو ځكه خو يې يوه شپه دوې بجې خواته ، چي هغه له وسا او سېلاني پرته دَ منوېلا فېميلي ، رانا شامۍ او عقود په مابېن كي دَ بس په شا شا اوږده سيټ باندي ناست دا تپوس وكړو، چي ..
" " تاسو چي دا يوه مياشت په نهره تېرَوئ ، نو بيا خداى په انعام كي چيشي دركوي؟
نو سېلاني ورته وئيلو ..
" " دَ دې راتلونكي اختر دَ خوشاليانو پرته ذهني، قلبي او روحاني تسكين راكوي
خو وسا ورته وئيلو، چي ..
" " په لمونځ او روژه كولوباندي خو يو سړى مسلمان كېږي
" دَ دې مطلب دا شو، چي اوس خو په دې مياشتي كي زه هم مسلمان يم .. ما له به ستاسو خداىڅه راكوي؟ "
كه به نورو له خپلي خوا ورته دَ هغه دَ زړه ساتني دپاره ښه او خوږه ځوابونه وركولو، خو مستي او شوخي شامۍ پېغلي رانا ورته په خندا خندا كي وئيلو ..
" " تا ته به نو خداى څه دركوي مسټر پُو؟ .. كه يې دركولې هم ، نو به څپلاخي دركوي
" " هغه څله ؟
چي هغه په ماشوم انداز ورڅخه بيا تپوس وكړو، نو هغې ورته وئيلو ..
" " هغه ځكه ، چي تا خو تش زموږ دَ مخه خله تړلي ده .. په پټه خو يې خورې
بس بيا نو مخته څه وْ، هغه هم دَ چشمكو ترشا ورته په ځير ځير كتلو ورسته وَ وئيلو ..
" " سوري .. ماته زما خداى ښه دى چي په نه څه هم راڅخه خوشاله دى
" " سر به دي نو هغه ورځ خلاس شي ، چي تا او ستا خداى دواړه وَ دوزخ ته بوځي
دَ راناشامۍ په دې خبري دَ ټولو ملګرو سره سم هغه هم وَخندلو، خو بيا يې ورڅخه دا سوال وكړو ..
" دا حال راكه ، چي دا ستاسو او دَ عيسائيانو يو دوزخ دى ، كه بدل بدل دى؟ "
.. نو دَ هغې په ځاى منوېلا ورته وئيلو
" " دوزخ دَ ټولو داسي يو دى لكه جنت چي يو دى
" " نو بيا خو زه جنت ته ځم .. دوزخ يې ستاسو
پُو چي څنګه دا خبره كړه ، نو پېغله رانا له خندا تكه شنه شوه او يو څو توري يې په عربۍ كي وئيلو ورسته په ډكه خله خندا كي ورته وئيلو ..
" " داسي اېله پېله ؟ بچو دوزخ خو يې جوړ كړى تا ته دى
" " لاكن زه يې نه كوم .. څه دَ زور كار خو نه دى
او په دې خبري باندي ملګرو دومره وَ خندلو، چي په بس كي ناست ټولو سوارليانو دَ هغوئ په لور بيا بيا كتلو -
_ 5 _
" اوس خو وسا خپله هم ته له ما سره يوازي وَليدلې ، نو ځكه په لار شه بچو"
نن سوپيس تر اوله هم نه يوازي زياته اوپن شوي وه ، بلكې په دهمكۍ كي يې څه څه دَ ناز غاړي هم دَ هغي تېري شپې دَ كړي قربانۍ له سوبه ورګډي كړي وې نو ځكه خو سېلاني هم له هغې سره په اوپن كېدلو او ټوكي ټكالي كولو كي خپل سباوْن څه غوندي محفوظ ګڼلو او هغې چي به هرڅه هرڅه وئيلو، نو ده به نه يوازي ورته دَ ټوكي رنګ وركولو، بلكې په خلاسه به يې خبره هم ورسره كوله ګوا څومره چي هم كېدلى شو، داسي غوړ لاس به يې ورباندي تېرَولو لكه نن چي يې ورته وئيلو ..
" منم، چي دَ نورو ښو پرته دي هغه شپه هم زما دپاره دروغ وَ وئيلو، خو خداى دي نه كړي ، چي په تا باندي هم كله سخته راشي نو ژغ راباندي كوه .. زه به دي مايوسه كوم نه"
خو هغې كه څه هم دَ دې خبري په ځواب كي ورته دَ بيا يوازي ليدلو غوښتنه كړي وه ، لاكن سېلاني په ځاى دَ منلو داسي ورته وئيلي وْ ..
" دَ سر په سترګو .. ولي نه ، خو بس دا عذ ر لرم چي دَ كوم وخت تقاضا چي ته كوې هغه وخت به زه ځكه نه يم ، چي له وسا سره به په وسط البلد كي وينم"
او هغې هم دَ سېلاني داسي بهانې منلې او نور نور به يې نه يوازي فري هېنډ وركولو، بلكې غوښتلو به يې، چي هغه په مينه محبت باندي دَ خپل هغه كست په سمون ځانته مرئيى كړي ، چي په خله يې نوم لا هم نه اخيستلو-
نور لا نور.. اوس سوپيس ګاهى ګاهى دَ پُو او سېلاني سره دَ دوستۍ پاللو په بهانو دَ هغوئ وَ فلېټ ته هم راتله كه څه هم رنا او منوېلا په څوڅو ځله هغوئ ته وئيلي وْ، چي ..
" " دا تاسو چي له پېغلي سوپيس سره كومي دَ دوستۍ رښتې جوړَوئ دا ښه نه كوئ
خو ډاكټر پُو به په خندا كي ورته وئيلو ..
" " څه به وكړي .. خوري خو به مي نه
" " هغه ښځه ده او ښځه هر څه كولى شي
بيا چي يو ورځ راناشامۍ دَ ډاكټروسا له مخه هم دَ پُو دَ دغه رنګه خبري په ځواب كي داسي وئيلي وْ ، نو هغه په دې خبري باندي لا تر دې هانده هم خپله رائيې څرګنده كړي وه ، چي ..
" " نر كه نر وي نو دا ښځي هيڅ نه شي ورباندي كولى
نو ځكه خو چي سېلاني هم ورسره دا خبره خوښه كړي وه ، او وئيلو يې ..
" " هو، انسان كه ښځه وي نو هم انسان وي او كه نر وي ، نو هم
لاكن راناشامۍ ورسره دا خبره ځكه نه منله ، چي په عربۍ كي يې ورته وئيلو ..
" " دا خبري خو زه او ته كوْ كوم چي حقيقت دى .. په هغه څوك نه دى خبر؟
" ګوا ستا مطلب دا دى ، چي په عربو كي تر اوسه لا هم"
پُو چي څنګه دا دومره وئيلو، نو منوېلا هم خله داسي پرې كړه ..
" " نه يوازي په عربو كي ، بلكې نر په درستي دُنيا كي دَ ښځي استحصال كوي
" " ښه ښه .. نو بېسنك هم ستا استحصال كوي؟
سېلاني چي دا خبره وكړه ، نو ورسره ناست بېسنك ته چي منوېلا دَ هغه خبره په خپله ژبه كي ترجمه كړه ، نو هغه هم خپل يوازينى تورى ګوا " كريمينل منوېلا كريمينل" چي څنګه تكرار كړو ، نو راناشامۍ ورته په ډېره مستۍ كي وَ وئيلو ..
" " بېسنكه وروره .. ته خو هم اوس له دې كريمينل توري څخه لږ نور را وَوځه ، خو په كي زوړ شوې
دا خبره څه وه ، چي ټول له خندا داسي تك شنه شولو، چي بيا تر ډېره پوري بله خبره بې دَ كريمينل كريمينل له تكراره ګرسره منځ ته نه راغله -
_ 6 _
" " وسا .. زه يو ځلي بيا درته وايم چي زما له سېلاني څخه لاس واخله ګني
" " ګني څه به وكړې ؟
الجېرين پېغلي ډاكټر وسا ، چي دې وخت يې ژېړبخون او پېچلي وېښتان په سترګو باندي را پرېوتي وْ شاته په خشم څنډلو ورسته چي دَ تهائي پېغلي سوپيس دَ دهمكۍ په ځواب كي داسي وَ وئيلو، نو هغې يو دم له پرس څخه هغه عكس چي له سېلاني سره يې په ګډ ه دلته دَ راتګ په لومړۍ هفته كي دَ هغې دَ هوټل په خوني كي اخيستى وْ را وَ يستلو او دَ وسا په لوري يې ور غورځولو ورسته په لغازي موسكا كي ورباندي خله داسي خلاسه كړه ..
" دا وَ ګوره زما او دَ سېلاني دَ ميني لومړى هغه ثبوت چي ستا دَ سترګو خلاسَولو دپاره بېخي زيات دى"
عكس ، چي دې وخت لا دَ هوا له اوږو سم مځكي ته نه وْ راكُور شوى ، چي وسا غُوټه كړو او سترګي يې ورباندي كرارَولو ورسته په مات زړه له ځان سره وَ بُوڼېدله ..
" " په دې باندي خو دَ دېرشم ستمبر 1997ع تاريخ او ټائم لس بالا لس بجې دَ شپې هم نوښته دى
" نه يوازي دا ، بلكې دا هم په كي وَ ګوره ، چي دا عكس چرته اخيستل شوى دى او كه دي سترګي ښې كار كوي ، نو تا ته به دغه زما پرس هم په كي ښكاره شي"
سوپيس ورمخته كېدلو سم دستي دَ خپلي نرۍ ګوتي دَ اوږده او تېره نُوك څُوكه په عكس كي راغلي پرس باندي ږدلو ورسته چي په اوږې باندي راځڼېدلى هغسي سپينچكى پرس ورته دَ سترګو وړاندي نيولو په وخت دا وينا لا سمه سگرته نه وه رسولي ، چي دَ وسا په سترګو كي اوښكي راغونډي شوې او وَ عكس ته يې نور نور كتلو ورسته په ډډن ژړَغوني ژغ كي ورته دَ اوږدې او سړې ساه ايستلو سره تړلي وَ وئيلو ..
... " " سوپيس..ته رښتيا واې چي سېلاني زما نه بلكې ستا دى او
هغې به لا نور څه وئيلو، چي دغه وْ سېلاني هم داسي په منډ ه منډ ه ورته را وَ رسېدلو لكه يو لوى ښامار چي ورپسې لګېدلى وي نو ځكه خو يې دَ راتګ سره سم په لنډ و ساهګانو كي وَ ډاكټر وسا ته وئيلو ..
" " وسا وسا .. درځه چي يو ځاى پټ شو .. تر شا يوه بېخي لويه بلا راپسې را روان دى .. وَ به مو خوري
او اوس به يې لاس وسا ته ور غزَولو، چي هغې يوې خواته وَ دېكلو-
" " داسي دي ولي وكړو ؟
" " ځكه .. چي ته له اصله زما نه ، بلكې دَ سوپيس اشنا يې
له دې خبري سره سم هغه عكس چي سوپيس ورته وركړى وْ دَ هغه په لور هغسي په داسي وينا كولو والوځولو ..
" " دا واخله هغه عكس چي ستا او ستا دَ ګراني سوپيس دَ ميني كيسه بيانوي
" " زما او دَ سوپيس دَ ميني كيسه .. دا څه واې وسا ؟
" " زه نه .. دا عكس واي
او عكس لا هغسي په هوا كي الوتلو، چي په فضا كي يوه تېره كړيكه دَ خندا لكه تنا خوره شوه بيا مخته څه وْ ؟ چي دَ هغې غټي پريانو دُوړي په منځ كي دَ سوپيس خړه پړه غاښوره څېره دَ هغوئ په لوري نه يوازي په چورلكونو خوړَلو كي را روانه وه، بلكې دَ دې سارا رېګ يې هم يوې بلي خواته تُوتاڼلو لګيا وه-
هم په دې خو .. په ځاى دَ سېلاني ، هغې زړه ماتي وسا په نه ساعت كي هغه تر لاس وَ نيولو او په وېرند وكي انداز كي يې ورته وَ وئيلو ..
" " هله هله ژر كوه ، چي ورڅخه خلاس شو
او بيا هغه دواړه لاس په لاس دَ اهرام مصر په لور وَ تښتېدلو لاكن دَ پريانو هغه دُوړه وه ، چي تر هغو غټو ګومبتو دَ رسېدلو له مخه يې دواړه داسي راګېر كړلو ، چي سېلاني په كټ كي له يوې تېرې چيغي ايستلو سره سم جګ راكښېنستلو او يوې بلي خواته سترګي ځغلولو ورسته يې دَ تندي خولې په لاس باندي وچولو سره سم سترګي يو ځل بيا په داسي وئيلو دَ يو ساعت دپاره پټي كړې ..
" " شكر دى لويه ربه ، چي دا خوب وْ ګني موږ خو يې وژلي وژلي وْ
لاكن زړه يې بيا هم په ځاى ځكه نه شو ، چي په زړه كي يې دَ سوپيس ويره لا نوره هم سېوا شوي وه
