ځان راته ښکاري بې ايمانه غوندې
وشوې مودې يم بې جانانه غوندې
ياران مې ډېر کړې، خدايه ډېر يې مکړې
دا ځينې ځينې بې وجدانه غوندې
ظالمې نه به راتلې، اوس چې راغلې
نو بېرته ولې يې روانه غوندې؟
د جدايي په مرګ مې ولې وژنې
بل راته وګوره اسانه غوندې
خدای خبر ځان به مې اوس څنګه مومم
ستا له تلو وروسته يم بې ځانه غوندې
ستا خاموشي بلا خبرې لري
ته د ګلونو ترجمانه غوندې
**په تش ديدن باندې رغېږم د يار
مرض مې ګران علاج اسانه غوندې
له خاموشۍ نه يې حيرانه پوی شوم
چې وه پخپلو کړو پښېمانه غوندې.
محمدحنيف حيران
26.12.2011
- محمدحنيف حيران
اوس مې دې نوم او ياد سوچه له حافظې وتليدا غشي بېرته نه راګرځي له لېندې وتليچې نه يې ذهن، نه يې فکر او نه زړه زخمي ويدلته به څوک داسې سالم وي له جګړې وتلي؟د مينې کار کې به په دې کيسو سر نه خوږووکلی خو خود وايي چې مونږ يو له چتې وتليخدايه! پخپل ژوند دې دا ووينم او ودې وايمشکر وګړي د هيواد مې له تنګسې وتلينه يې خدای پاک، نه يې ياري نه دلداري په نصيبدا ځينې ځينې هم له دې هم له ه...
02.01.2012
- محمدحنيف حيران
غواړې د شپې تر ناوخته ورسره کینې او خبرې وکړې خوچې کله دې بستر ته راشې بیا هم د هغې په اړه فکر کوېکله چې درسره په لاره روانه وي په ورو ورو قدم اخلې کله چې هغه درنه لرې وي خفه وې او زړه دې غواړي چې تل درسره وي کله چې یې اواز واورې له ځان سره خاندېکله چې هغه وینې نورڅوک نه درته ښکاري او غواړې یواځې هغه اووینېهغه ستا د پاره هر څه ده او له هر شي درته زیات ارزښت لريهر وخت چې ورسره مخ شې د دواړو پر شونډو زرموخیزه مسکا خوره شي...
