ماپه سړه سينه ټول عمر مينتوب کړيدی
خود پښتو ځاي کې مې هروخت ليونتوب کړيدی
داستاپه سرچې ستادکلي هرسړي رټلم
کمزوری نه ومه خودامې سړيتوب کړيدی
زمادخوار اولس بچي به څه اتل يادشې چې
نه يې سيالي وکړله نه يې زلميتوب کړيدی
تاپه اخلاص راته يوه ورځ هم ونه خندل خو
ماپه ژړا کې وايه کله بخيلتوب کړيدی
نه يې لاسونه سره کړل نه يې سره جوړه واغوسته
زموږ شډلو پيغلو داسې پيغلتوب کړيدی
ماپه هماغو کاڼو اوولئ چې ښکل يې کړمه
مسافرۍ کې چې پرې مابيغمه خوب کړيدی
ويل يې فطرت نو څنګه پريږدم فطرت ځان دی زما
موږ دواړو يو کلي يو کور کې ماشومتوب کړيدی