ټپيزې: محمدحنيف حيران
١_ زما په سترګو کې غړېږه
زما په زړه کې وټوکېږه
خير دی په حسن دې نازېږه
بند په بند مه رانه تاوېږه
که مسافر شوم بيا به نه درځي خوبونه

٢_ اشنا دې يو خو وفادار وي
نه چې د سلو تنو يار وي
چې دې سبا په اوږو بار وي
د يو زړګي نه بل ته لار وي
چې زما خوښ يې ستا به ولې بداېسمه

٣_ زما درکړې مينه راکه
زما د حُسن حق ادا که
مرور خيال مې راپخلا که
د سترګو ټول نظر پما که
لکه ويشتلې مرغۍ بېله ناسته يمه.