د سرحدونو د نامصونيت او له پلازمينې پرته په نور هېواد د بې واکۍ په صورت کې حکومت څه معنی لري؟ نړۍ وال ملاتړ څه ته وايي؟ او د نړۍ زبرځواک څوک دی؟ درې واړه پوښتنې د کوريا يانو په قضيه کې ځواب شول. طالبانو يو وار بيا نړيوالو ته ځان په رسميت وروپېژاند، د کرزي د ادارې په شمول يې ټول هغه هيوادونه، چې منځګړي توب ته چمتو وو، له پامه وغورځول او د کوريا له دولت سره يې نېغ په نېغه خبرې وکړې. د کرزي د ادارې سربېره نړيوال فراعنه ونه توانېدل، چې يرغمل شوي د طالبانو له منګولو راخلاص کړي؛ خو بالعکس طالبان وتوانېدل، چې د جنوبي کوريا فوځي قطعات، چې د نړيوالو په ملاتړ افغانستان ته راوستل شوي وو، وباسي. په افغانستان کې پر کوريايي عيسوي تبليغيانو بنديز ولګوي او ټولې سياسي، نظامي او ... . هڅې پرې بندې کړي. هېواد وال په ډېر عجيب کشمکش کې پراته دي، نه پوهيږي ، چې په هېواد کې د چا حکومت چليږي، د کرزي که د نړيوالو، که د غلو او مفسدينو او که د طالبانو؟ پر چا د حکومت اطلاق کيږي، دا پوښتنه هم لري، چې نړيواله ورورولي؟ په دغه ډول قضاياو کې څه حيثيت لري. که رښتيا هم ورورولي وي، پر ناامنيو، ورانکاريو او ټولوژنه ولې سترګې پټيږي؟  دې مسلمان ملت ته ژمن وګړي دې د هيواد والو لودن مالوم کړي؛ ځکه چې د دوی په ژوند يوه ستره بلوسه کېدونکې ده، بلکه شوې ده. هېوادوال بايد د نړۍ د استکباري قوتونو د ظلم له جال څخه وژغورل شي، که نه د الله (ج) او د دې مسلمان ملت پر وړاندې هېواد پورې تړلې هره کړۍ مسوله ده او پوښتنه به ترې کيږي.