زنده گــی ده ځـګرخـون سره تـيريـږي
بنـده گی ده له ازمــون سره تیریــږي
  درسته ورځ دې د یادونو کتاب لـولــم
څه ساعت له دې مضمون سره تیریږي
اباسین سره کـه تور پنــجابـیان گرځي
سره خرسان هم له جیحون سره تیریږي
د خپل پلار د کتابونو منځ کې ناست یم
که مـې عــمر افلاطون سره تیـریــږ ي
دلته مرگ دی، هلته مرگ دی، هر خوا مرگ مرگ
څــه جــفا ده لــه ژونــدون سره ،  تیـریـږي
امیران په بــادشاهـۍ کــې نـــا کـــراره
فقــیری څــه لــه سکون سره تــیریــږي
هوښیاری له خدایه مه غواړه مشعله
دلته ژوند تش له جنون سره تیریږي