ښې دي چې مــاڼی د بادارانو ډېـــرې ـلوړې دي
سيورو ته يې څو دانې زمونږه هم جونـګړې دي
بښنه غواړم خدايه (ج) چې سبب ددغې څه دی؟
يــــوازې افغــــانانو ته مرګــــونه دي جــګړې دي
هره يـــوه مورکۍ د وطن بــــاد د غـــم وهـــــلې ده
دلته ميندې ټولې بورې ورارې دي زوی مړې دي
زه يې د ايـــــمان د تـــــراوت لپــــاره ښــــې ګــــــڼم
چــــا ويل چې حـسن ته سجدې په غم ککړې دي
بار اوښــــان زموږ د دعـــاګانـــو ور د نـــنه کـــړې
خدايه پاکه ستا دهر رحمت دروازې لـــوړې دي
هو هغه شـــهيد مور ته و ويلـــي چې زه ژر راځم
دې غريبې څومره شپې سپوږمۍ ته تېرې کړې دي
حيــــران يو لـــويه خدايه زياتــــــي لار ده رانه ورکه
اوګې پر جنازو او لـــېمې پر اوښــــکو ستـــړې دي.