وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الْكَافِرُونَ
ژباړه : كوم خلك چې د الله له نازل كړي دستور سره سمې فيصلې ونه كړي هماغوى كافران دي.
حکومت باید چه مسلمان او سلامي وي ؟ ، او که عادل حکومت ؟ . علماء ویلي چه : «الملک یبقی مع الکفر و لایبقی معالظلم» ژباړه : حکومت د کفر سره دوام کوي ( باقي به وي ) اما د ظلم سره دوام نکوي ( باقي نه پاتیږي)
پوښتنه دا ده چه : د حکومت په ساختار کښي شریعت څومره رول لري، تر دې لمخه چه پوښتني ته جواب ووایو ،لنډي مقدمې ته به ولاړ سو
د نړۍ ټول انسانان دینداره دي ، ادیان دوه نوعه دي ، څوک اهل کتاب دي او څوک بې کتاب دي د اسلام له نظره .
تنها ۷ ٪ خلګ د مځمکي پر مخ بې دینه دي
د ۱۹۳ ملکونو له جملې تقریبا ۵۰ ملکونه د مسلمانانو دي ، او ۹۶ حکومتونه سکیولر ساختار لري
او اروپایی ملکونه سخت سکیور حکومتونه لري ، اول لس اعلی درجه او سوکاله حکومتونه سته چه ملت ئې په خوښي خوشحالي کي ژوند تېروي ، لس سره ملکونه په یورپ کښي دي ، نیوزیلنډ تنها ملک دی چه په اروپا کښي ندی ، لمړی او دوهمه درجه دی د امن او امان ملک دی ، البته چه نیوزیلنډ هم سکیولر ساختار لري
امریکا هغه ملک دی چه د سکیولر دعوا لري ، خو په امن او امان درلودلو ملکونو په ۱۱ او ۱۲ سمه درجه کښي ځای لري، او ملت ئې ستر دینداره خلګ دي ، په تناسب د یورپ ، د یورپین یونین په سنداو وثیقه کښي د خدای نوم ندی لیکل سوی ، د امریکا د یونین په وثیقه کښي د خدای نوم لیکل سوی دی .
او د نړۍ په بې امنه ملکونو کښي یمن ، سوریه ، سومالیا ، جنوبي سودان او افغانستان ٩ همه درجه كښي کښي کرار لري .
اسلام د نړۍ پر مخ يو منلی دین دی او و جهان ته ئې ستر اخلاق راوړي او د اسلام د اسماني اخلاقو له برکته نن دانګلستان ښځي په سوکالي کښی ژوند تر سره کوي ، او روسیې حکومت ، جهان د کاریګرو و حقوقو ته وهڅولی ،اسلام اخلاق خپاره کړل ، او د روسانو حکومت د ساختار په سبب Social Security او د متقاعدينو لپاره اقتصادي تضمین منځ ته راغلی
اسلام او بل هر سماوي دین هر څه په ځان کښي لري ، کوم چه تړاو لري له اخلاقو او عبادت سره .
د قرآن په نص کښي د زراعت صناعت او تخنیک او تکنالوجۍ ، مواصلاتو ، ترافیک ، دعامي روغتیا لپاره په ځان کښي هیڅ نه لري ، د صحت عامې لپاره د وباء مرض په باب داسي روایت سته چه : «إذَا سمِعْتُمْ الطَّاعُونَ بِأَرْضٍ، فَلاَتَدْخُلُوهَا، وَإذَا وقَعَ بِأَرْضٍ، وَأَنْتُمْ فِيهَا، فَلاَ تَخْرُجُوا مِنْهَا» ژباړه : که مو پر ځمکه د طاعون مرض واوېدل هغی ځمکی ته سفر مه کوی ، او که مرض پر هغه ځمکه واقع سي چه ته پکښي اوسېږي نو د هغې ځمکي مه راوځه .
او د زراعت په باب داسي روایت راغلی چه : کوم وخت یواري مبارک علیه السلام په لار تللی خلګو د درختو پیوند کاوه ،مبارک د پیوند په باب نظر څرګند کړی ؤ د سوالېې په شکل ، اصحابو د رسول الله نظر جدی نیولی ؤ ، راتلونکی کال ددرختو حاصلات کوم سوي وه ، مبارک پوښتنه وکړه چه ولی داسي پېښه ده ، اصحابو ویل چه تاسو فرایلي چه پیوند ونکړی ؟ ، نو مبارک فرمایل چه "أنتم أعلم بأمور دنياكم" ژباړه : د دنیا په اومورو تاسو پوهېږی
له دي حدیث مبارک نه دا څرکند کیږي ، چه دین د صنعتي او تعمیراتي او تخنیکي ابزارونو ته بیان نه لري
خو داسي یو حدیث روایت سوی چه : لا يمَنَعَنَّ جارٌ جاره: أن يغرِزَ خَشَبَهُ في جداره، ژباړه : همسایه دی خپل همسایه نه منعه کوی چه پر دېوال ئې لرګي کېږدي ، یعني همسایه کولی سي چه په درو دیوالونو خونه جوړه کړي چه یودېوال د همسایه کار کړي
دا کړنه يو ستر اخلاقي کار دی ، خو تنها په لس نفري قریه او کلوالي ژوند کي ښه کار دي او په ښارونو کښي پر داسي اخلاقو، په طولل مدت کښي جنجال بناء کیږي ، په کوڅو کښي صوفان جوړ وي ، او په کور دننه بیا بام د همسایه وي اوخونه بیا دبل وي
اوس دې خبري ته راځم چه د حکومتداري او دسیاسي امارت ( سیاسي مشر تابه ) او سماوي دین څه اړیکي لري ؟؟
۱)د حکومت ساختار ته اسلام کومه نقشه نه لري ، د سلف صالحینو د نظام ساختار ډېر ساده ؤ ، امارت یا مشرتابه ، بعضي کړني د مصلحت او شورا له لاري ترسره کول ، امارت او قومي مشر ټولي وظیفې تر سره کولې ، اما یوبیت المان ته ئې بل مشر ټاکلی ؤ چه أبي عبيدة بن الجراح نومېدلی او رسول الله د امین لقب ور کړی و ، اوعشرمبشرینو له جملې نه ؤ ، د سلفو په عصر کښي د قدرت تقسیم نه ؤ ، ولي چه الخُلَفَاءُ الأربعةُ هغه خلګ وه چه ترانبیاء وروسته افضل ترین خلګ وه .
ابو بکر صدیق امارت ( مشرتابه ) د غاړي وه ، او د قاضي وظیفه ئې هم تر سره کول ، حضرت عمر هم قضاء کوله خود ابوبکر صدیق له خوا رسمي د قاضي وظیفه نه وه ور سپارل سوې
د رسول الله صی الله علیه وسلم و په وخت کښي تنها د سیاسي اومورو په ساختار کي تنها بیت المال تاسیس سوی ؤ ،نور تاسیسات نوه ، حتیٰ محبس هم نه و اباد سوی ، لمړۍ بندیخانه حضرت علی رضی الله عنه جوړه کړه د کوفې پهښار کي د قصب ( نل ) نه ، یعني پاخه دېوالونه ئې نه درلودلل یعني د محبس دیوالونه د نلونو جوړ وه ، چه موږ پهوطني اصطلاح او فارسي ژبه کښي چیغ ورته ویل کیږي ، کله چه یو بندی نلان مات کړي وه او فرار ئې کړی ؤ ، نو بیادیوالونه د پخې خښتي اباد کړه ،
خلفاء راشدینو تنها دوې وظیفي تر سره کولی ، یو قضاء د خلکو ترمنځ او بل و غزا ته صحابه لېږل او د مقاتلینو تهمشرتابه (امارت ) ټاکل .
يعني تنها يي یو کار تر سره كولی چه هغه ؤ يَحْكُمْ بِمَا أَنزَلَ اللَّهُ چه ددې معنی داسوه چه د خلګو تر منځ ئې پهکتاب الله حکم کولی ، او د الله دین ئې د ځمکي پر مخ خپرولی یعني : كان الخلفاء الرَّاشدون يسوسون النَّاسَ بالعدل ژباره دخلکو خدمات يي په عدل سره تر سره کول .
د نن ورځي د اسلامی ملکونو مشرتابه (امارت ) او پاچهان ، او ولس مشران د قضاء وظیفه نه تر سره کوي ، پس نديمکلف چه حکم په ( يحكم بما أنزل الله) وکړي ، دا چه صحاب کرام د قضاء وظیفه د غاړي وه ، نو پر فرض ده چه حکم په“ یحکم بما انزل الله “ کړیوای .
پس د تیرو منطق په استباط ، په نن عصر کښي تنها د جزايی محکمې پر قضاتو دا فرض ده چه حکم وکړي ، په قرآنيایاتونو باندي ، که په قران باندی حکم ونه کړ پس نو : فأولئك هم الكافرون.
او بل و وزیر دفاع ته فرض ده چه د خپل مشرتابه او امیر و فرمان ته د في سبيل الله لپاره تیار سیت ولاړ وي که د فیسبیل الله د پاره ونه جنګېدلی ، نو !!! نو تر دغه حکم لاندي کیږي چه «كوم خلك چې د الله له نازل كړي قانون سره سمېفيصلې ونه كړي هماغوى كافران دي.
اوس خبره دې ځای ته راورسېده چه د حکومت پر وزیر زراعت باندي فرض ده چه په وظیفه!!! کښي حکم وکړي ؟؟په «يَحْكُمْبِمَا أَنزَلَ اللَّهُ» نه په هیځ وجه نه ده ورته فرض .
ایا د حکومت پر وزیر مخابرت باندي دا فرض ده چه حکم په کلام الله سره وګړي ؟ ، جواب ئې نه دی په هیځ وجه پر فرض نده .
د حکومت هیځ داسي شعبه نسته چه د دولت پر مأمور دي فرض وي چه حکم وکړي په بِمَا أَنزَلَ اللَّهُ سره
خو یوه خبره سته چه د حکومت مامور به په شخصي ژوندانه کښي او په رسمي وظیفه کي د پیسو او مادي ګټي پربنا دستور کښي تحریفات نه تر سرکوي درب العزت حکم دی چه :« لا تشتروا بآياتي ثمنا قليلا»
چه خبره راټوله کړو او نتیجه راوباسو نو خبره دې ځای ته را سیږي
حکومت ته لازمه ده چه خپل خاورین نظام د ساتني لپاره د قانون اساسي په حکمونو باندی حکم وکړي
د ملک ټولي محکمې دي د خاورین جزايی قانون په احکامو حکم وکړي
تنها او تنها پر هر مسلمان فرض ده چه شرعي محکمه ئې په قراني احکامو حکم وکړي
او د بانکونو پر مستقل ریاست ، پر مقام دا فرض ده ، «لا تاکلوا الربا اضعافا » او هم «لا تاکلوا الربا »
و حکومت ته نده لازم چه قران پر خلکو د پولیس یا محتسب په زور سره تطبیق کړي . قال الله تعالی : لا اقرا فی الدین
هر کله چه محکمه د قران په احکامو حکم ونه کړي ، دغه وخت نو د ټولني پر ټول ملت دغه ایة صدق کوي چه : وَمَنْلَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الْكَافِرُونَ
په ټوله نړۍ کښي چه اسلامي ملکونه دي تر افغانستان د طالبانو تر امارت پوري ساختار ئې سکیولر دی ،
حتي مبارک هم د خاوریني دنیا له پاره بېله د وحی ، د عقل محصول يعنی میثاق مدینه لیکلی ؤ
چه مختلف قومونه او ادیان پر میثاق مدینه راټول وه ، او د میثاق مدینې تر چتر لاندي راټول وه
او عثماني ترکیې هم د مدینې په شان میثاق او قانون درلودي چه بعضي تاریخ دانان و عثماني خلافت ته سکیولرخلافت ګوته نیسي ، یعني د عثماني خلافت په وخت کښي تنها محکمې په قران حکم کولی ، او وزارة الدفاع د اعلاءكلمة الله له پاره تیارسیت ولاړه وه
اود حکومت په بل هر بخش کي د عقل محصول (قانون ) سره سم اجراات کېدل
