کله چه رسول الله وفات سو ، انصار راټول سوي وه چه مشر و ټاکي ، کله چه ابکرصدیق خبر سوه ، نو انصارو وغونډي ته ځان ور ورساوه ، څه لفظي شور ماشور پېښ سو ، انصار پر سعد بن عبادة باندي راټول سوي وه ، یعني انصارو غوښتل چه سعد بن عبادة د امارة مشر تعین کړي ، دا د سقیفې د ورځي حکایت اوږد دی ، زه به خبره رالنډه کړم ، رابه سم زما و اصلي خبري ته .
ابو بکر صدیق رضی الله عنه ولي رايي وګټلې ؟ یو دا خبره وه چه ابوکر صدیق ستر انسان و ، د داسي اوصاف څښتن و چه سیال ئې نه درلودی ، یو ستر صفت ئې دا و چه د مبارک د مریضۍ په وخت کي د مبارک حضور ته د لمانځه امامت هم کړی و، او د سقیفې په ورځ ئې دغه حدیث وویلی (الامارة لاتکون الا في قریش ) یعني امارة یوازي په قریشو کښي کېدای سي ، او یا امارة د قریشو دی .
ماته دا پوښتنه را پیدا سوېده ، چه امارة ډېر قدامت لري ، بخارا امارة درلودی ، په افغانستان کي په پخوا زمانه کي امارة نوم استعمال سوی دی لکه د هوتکو امارة ، په جزیره عرب کي په بخارا کښي ، امیرینو او پاچهانو اماراة اعلان کړي وه ( د بخارا امارة ) ئې نومولی.
او رسول الله صی الله علیه وسلم هم دا نوم د یو قوم حق بللی , مبارک امارة ته د اسلام سره تړاو ندی ورکړی امارت یو سیاسي قدرت دی مشر تابه باید یو قوم په لاس کښي وی ، مذهب نسي کولی چه مشرتابه وکړي مشر تابه یا ولس مشري د فرد حق دی ، ولس مشر ته دا حق سته چه اسلام پلي کړي
داچه طالب غواړي اسلامي شریعت نافذ کړي دا خو یو منلې خبره او منلی کار دی ، اما دا خو د رسول الله له قول سره مخالفت دی ، نه د مبارک په سیرت او ګفتار کښي او نه د سلف صالحینو په تاریخ کښي اسلامي امارت وجود لري ،
طالب جانه خدای ته مخ کړه!!! امارة د افغان حق دی اسلامي امارة د منلو وړ ندی او د شریعت او د علیه السلام له سنتو سره نامتجانسه کلام او کړنه ده لازمه ئې بولم چه دغه شرعي نظام چه چیري نافذ کیږي ، یعني په افغانستان کښي نو باید چه د افغانستان امارة اعلان سي نه چه اسلامي امارة ، که تاسو دا شرعي نظام ته اسلامي امارة نوم ور کړی ، احیاناً که په ورځ د حساب پوښتنه درنه وشوه ، چه تاسو د رسول الله فرمان ولي تحریف کړی و ، ستا جواب به څه وي ؟؟؟؟
