افضل شاه
ټيليفون چې په کړنګا شو
ريسيور به مې اوچت کړو
يو ريښمين اواز به راغى
زما زړه به په درزا شو
ټول ماحول به سُر او ساز شو
خو يو نوې بلا راغله
ټليفون کولى نه شو
يار ته يار ويلى نه شو
C.L.I. مو رقيب شو
اوس مې تنده نه ماتېږي
اوس په خيال باندې تېرېږي
ستا خبرې مې يادېږي
خپل نمبر خپله ميلاو کړم
اوس د ځان سره ګورېږم
خو اوس چرته مشغولېږم
ستا اواز چې پکې نه وي
سُر او ساز چې پکې نه وي
ټيليفون راته بلا شو
ستا اواز رانه جدا شو