مقدمه

نهاد جوانان مسلمان-نجم (په پښتو کې د مسلمانو ځوانانو ټولنه)د یو شمیر متدینو او په اسلام، ملت او هیواد مینو افغانو ځوانانو له خوا جوړه شوې چې د یوه ټولنیز سازمان په توګه یې بنسټ د ۱۳۹۰ هـ ش کال د حوت پر ۱۹مه کيښودل شوی.نجم

لرلید

د اسلام د صحیح فهم په رڼا کې د ځوان نسل داسې روزنه او تنظیم چې د مثبت ټولنیز بدلون او ملي پرمختګ لامل شي.

موخې

   - ځوان نسل ته د اسلام صحیح پیغام رسول،

   - د هیواد د هراړخیز پرمختګ لپاره د ځوانانو روزنه،

   - تعلیم او تحصیل ته د ځوانانو هڅول،

   - له ټولنې څخه د هر راز تبعیض او فساد له مینځه وړلو لپاره د ځوانانو برابرول،

   - په ځوانانو کې د هیواد د خپلواکۍ، ځمکنۍ بشپړتیا، وطن دوستۍ، اسلامي او ملي هویت څخه د دفاع او د عامه ګټو د
     ساتلو پیاوړې کول.

وسایل

نجم د خپلو موخو د لاس ته راوړلو لپاره لاندې وسایل کاروي.

- علمي او څیړنیز سمینارونه، کنفرانسونه، عامې غونډې او سوله ایز لاریونونه،

- تربیتي درسونه، حقلې او پروګرامونه،

- علمي او تخصصي څیړنې، کورسونه او تعلیمي مرکزونه،

- علمي او فرهنګي سیالۍ،

- علمي او تفریحي سفرونه،

- سپورتي کلپونه،

- کتابتونونه،

- ټولنیز خدمتونه،

- مجلې، کتابونه، او بروشرونه،

- معلوماتي او ارتباطي ټکنالوژي.

څانګې

۱. د تربیت څانګه

۲. تعلیمي څانګه

۳. د اړیکو څانګه

۴. فرهنګي څانګه

۵. مالي څانګه

۶. د عامه فعالیتونو څانګه