ژوند
....................
ژوند نو څه دی؟
يوه پلې قافله، چې
د طبيعيت لخوا
په ټاکل شوي مسير
روان دی مخکې درومي
مونږ يې چې ورځ، شپه بولو
دا د همدغې لارې
کمربندونه دي، چې ځو پرې راځو
زمونږ څلورويشت ساته
هم د همدې کمربندونو څارګر
او ژوند مو ګوري تالاشي يې اخلي
چې مونږه څه کړي او چيرته به ځو
بس مونږ ملګري د يوې قافلې
مونږ انسانان روان پر دغه مسير
خو لارې بېلې بېلې
زمونږ رشته ده پر همدې تار بنده
زمونږ د پای ټکی به يو وي
....... ها چې نوم يې (مرګ) دی ........
03.06.2012
- جاوید واک
غزل
لېونتوبه، لېونتوبه، لېونتوبه
زما اصله، سړيتوبه، لېونتوبه
د بېلتون موده کې ته هم وې ناځوانه
دازغيو پر سر خوبه، لېونتوبه
زما مينه، ستا ښايست، او عجيبه درد
زړه مې پړک چوي له پړسوبه، لېونتوبه
څومره ووړ وم، څومره ستر شومه منم دې
د زړه سره، مينتوبه، لېونتوبه
نن هغه جينۍ ټولګي کې نشته ولې؟
نن هغه ده بيا ناسوبه، لېونتوبه
...
18.06.2012
- جاوید واک
بلخ ادبي خوځښت: مېرمن بهير اونیزه غونډه وکړه
راپور: ساینا ساپۍ
د بلخ ادبي خوځښت څانګې مېرمن ادبي بهير د جمعې په ورځ د 1391 كال دغبرگولی د مياشتې په26مه نېټه/ خپله اوونیزه ادبي غونډه د دغه خوځښت د غونډو په دفتر كې جوړهكړه....
