غزل
ماته يې د ژوند كتاب راكړى دى
څومره يې په خوند كتاب راكړى دى
نن دې راته وويل، چې غلى شه
تا د نظر بند كتاب راكړى دى
دا چې پر سينه مو اغزن مزى دى
دا راته ډيورنډ كتاب راكړى دى
دا سيمه به اور وي تل پرديو ته
دا موږ ته ميوند كتاب راكړى دى
خوږ دى څومره خوږ دى، خدايه خوږ دى اوف
يار لكه د قند كتاب راكړى دى
12.05.2012
- جاوید واک
غزل
ورپسې ګرځمه، يو چا رانه غلا كړى نظر
زړه راته ورو شان وويل، تا رانه غلا كړى نظر
په يو سړي پسې ګرځېږم رانه ورك دى څۀ وخت
د يو سړي په سر دنيا رانه غلا كړى نظر
زما په سر يې لوبې كړي، بيا يې هم ستايمه
دا عجيبه ده دې باچا رانه غلا كړى نظر
 ...
12.05.2012
- جاوید واک
کرښې:
ښه مې ياد دي
پوره دوه کاله پخوامې
چا د لاس کرښې کتلې
راته ويل يې
يوه رڼا ده پکې غبرګه
پرون بيا (روضې) ته لاړ وم
په پالګيرې مې پال وکوت
خو رڼا يې پيدا نکړه
ته مې ويادېدې
هغه رڼا خو ته وې...
