غزل
ته زما په زړه او زه دا ستا په زړه
خار يو د دې دوه پيسو دنيا په زړه
داسې چې ماتېږم او ژړېږمه
بيا دې نوم راوورېد زما په زړه
نور په هر يو کار کې مشوره منم
نه کومه مينه د هيچا په زړه
بيا د استعمار نشه کې غرق يو څوک
اچوي بمونه د اسيا په زړه
ووايه رازونه د زړه ووايه
مه پرېده غمونه د سبا په زړه
08.05.2012
- جاوید واک
غزل:
پل دې وم پر لاره درنه پاتې شوم
پرې دې ښودم ياره درنه پاتې شوم
وخت وو چې په سترګو کې دې پروت ومه
وخت شو چې له ډاره درنه پاتې شوم
نور به د هيچا سترګو ته نه ګورم
نور خو ژونده خواره درنه پاتې شوم
ستا په ښايستونو...
08.05.2012
- جاوید واک
خاموشي:
اوف!
بيا مې زړګی
ستا د ياد
په سمندر کې
ډوب دی
..........................
خاموشي ده
ښه مدهوشه خاموشي
زما خونه
چت کې
سپين ځړيدلی ګروپ
مخامخ
په ټلويزون د (دړکن) فيلم
خو اواز يې بند دی
چې مزاحم نشي
زه يم لګيا
ستا د ښايست په دنيا
دا خپل هنر پخوم
پر تا غزل ليکمه
د شعر هر توری مې ستا له ښکلا مالامال دی
لا...
