غزل:
پل دې وم پر لاره درنه پاتې شوم
پرې دې ښودم ياره درنه پاتې شوم
وخت وو چې په سترګو کې دې پروت ومه
وخت شو چې له ډاره درنه پاتې شوم
نور به د هيچا سترګو ته نه ګورم
نور خو ژونده خواره درنه پاتې شوم
ستا په ښايستونو کې چې ورک شومه
ستا د زړه لپاره درنه پاتې شوم
واک وومه مزه د زندګۍ مې وې
ګل ومه بهاره درنه پاتې شوم
08.05.2012
- جاوید واک
غزل:
اوس له خپل وجوده دومره لرې شوم، چې ورک شوم
اوس له يوه موجوده دومره لرې شوم، چې ورک شوم
خدايه ستا د ذات په لټون پسې راوتی وم
زه له هست او بوده دومره لرې شوم چې ورک شوم
ستا د ګل ښايست په هره پاڼه کې مې ځان ليده
اوس له دې حدوده دومره لرې شوم چې ورک شوم
وخته ناځواني به دې په ټول عمر کې ياد ساتم
وخته ستا له جوده دومره لرې شوم چې ورک شوم
نور به په ا...
08.05.2012
- جاوید واک
غزل
ته زما په زړه او زه دا ستا په زړه
خار يو د دې دوه پيسو دنيا په زړه
داسې چې ماتېږم او ژړېږمه
بيا دې نوم راوورېد زما په زړه
نور په هر يو کار کې مشوره منم
نه کومه مينه د هيچا په زړه
بيا د استعمار نشه کې غرق يو څوک
اچوي بمونه د اسيا په زړه
ووايه رازونه د زړه ووايه
مه پرېده غمونه د سبا په زړه ...
