غزل
ورپسې ګرځمه، يو چا رانه غلا كړى نظر
زړه راته ورو شان وويل، تا رانه غلا كړى نظر
په يو سړي پسې ګرځېږم رانه ورك دى څۀ وخت
د يو سړي په سر دنيا رانه غلا كړى نظر
زما په سر يې لوبې كړي، بيا يې هم ستايمه
دا عجيبه ده دې باچا رانه غلا كړى نظر
نن څومره ښكلې يې قسم دى چې حساب يې نشته
اوف! راته ياد شول تا بېګاه رانه غلا كړى نظر
واك دې د زړه دى نن صفا صفا خبره وكړه
ستا دې موسكا او دې حيا رانه نظر غلا كړى
24.04.2012
- جاوید واک
غزل
لږ د زندګۍ لومه كې بند يمه
ډېر دزندګۍ لومه كې بند يمه
ته د پېغلتوب لومه كې بنده يې
زه مې د ځوانۍ لومه كې بند يمه
اوس به څنګ ته نه درځمه خير دى
اوس د رسوايۍ لومه كې بند يمه
ته راته بيا نوې حادثه ګورې
زه د پرونۍ لومه كې بنديمه
ورور مې يې عزيز مې يې نور غلى شه
ستا د دښمنۍ لومه كې بند يمه
ژوند يم دافغان يمه ارزان يمه
ز...
28.04.2012
- جاوید واک
څو لنډ لنډ شعرونه........
بدلون:
زه اوس له هر بدلون نه کرکه لرم
څنګه چې ته بدل شوې
همداسې زه بدل شوم
اس ام اس:
نور اس ام اس هم درته نه کومه
ته يې لوستلای نشې
د تليفون
ښيښه دې
زما د زړه په څېر ذرې ذرې ده
سيوری:
نن د لمر رڼا
بې خونده ده...
