غزل
ستا د نظر په کنارو کې يمه
او که د لمر په کنارو کې يمه
څنګ چې د بر په کنارو کې يمه
دا رنګ د لر په کنارو کې يمه
د تورو زلفو، ستا د مخ د ځلا
شپه او سحر په کنارو کې يمه
په چا مين يم څوک مې خوښ غوندي دي
د يوه بشر په کنارو کې يمه
مورې دعا کوه چې ستر سړی شم
د خدای د در په کنارو کې يمه
ستا د زړه واک يم ستا په زړه به يمه
ستا د منظر په کنارو کې يمه
واک
01.04.2012
- جاوید واک
غزل
ژوند مې يې جانان مې يې
مرګ مې يې ايمان مې يې
هسې درته نه راځم
ستورى يم اسمان مې يې
زه دپښتنو وطن
ننګ مې يې افغان مې يې
دواړه ملامت نه يو
ځان دې يمه ځان مې يې
مازرغونوې ګرانې
ګل يمه باران مې يې
دواړه به يو ځاى شو خير
اوښكه يم ګريوان مې يې
تاكې زنده ګې كوم
رنګ دې يم جهان مې يې...
01.04.2012
- جاوید واک
غزل
ما همېشه ستا د راتللو انتظار كړى دى
كله نو ووايه؟ ما غم د خپل روزګار كړى دى
ته مې خوښېږې، تا به غواړم، تا به خپله كړمه
خو ستا مشرانو همېشه راته انكار كړى دى
د مسليمينو پاچاهۍ څخه هجرت كوو ځو
زما او ستا منځ كې يو كار دوى دكفار كړى دى
يوه ګ...
