دیموکراسي کیدای شي چې د یو ملت په سیاسي ژوند کې ډير زرمینځ ته راشي ، خو په تاریخي لحاظ پاییدونکي دیموکراسي په هغو هیوادونو کې مینځ ته راځي ،چې پراخه او تعلیم یافته منځنۍ طبقه ولري. لکه بارینګټن مور Barrington Moore چې په کال ۱۹۶۶ م کې دا نظر وړاندې کړی ؤ، چې که بورزژوازي نه وي ، دیموکراسي نشته. په غیریبو او بې وزلو هیوادونو کې له خلکو سره تر دیموکراسۍ دمخه د ژوندې پاتې کیدلو اندیښنه موجوده وي . د لاتینۍ امریکې په یوه سروې کې چې په کال ۲۰۰۴ م کې تر سره شوه ، اکثریت خلکو دا نظر څرګند کړ، چې د دوې هغه دیکتاتور، چې د دوي غم وخوري ، تر هغه انتخابي ليډره خوښ دی چې دوي ته ډوډۍ نه شي برابرولای .منځني طبقات له ځان سره اعتدال ، تحمل او  سړه سینه راوړي ، او همدارنګه دا فهم او درک منځته راوړي چې ټول شیان ژر او په یوه وار نه شي سمیدلای.

 . د کتاب نوم :پولیټکل ساینس ته یوه کتنه

لیکوالان : میکایل راسکین ، رابرت کورډ، جیمز میډیورس او والټرجونز

ژباړه او لنډیز: ډاکتر محمد صدیق زهیر

چاپکال : ۱۳۸۷