چېرته سره لبان او سپین رخسار او چېرته زه

وخت کړو سره لري ،چېرته یــــــار او چېرته زه

یاره ! مه پوښته د ژوند احوال مي مه پوښتـه

چېرته ستــــــــــا په مینه کي قرار او چېرته زه

ګوره داد شېخ خبري مه کوه و مــــــــــــــــــــــــاته

چېرتــــــــــــــــه دا د ميني ګنهګار او چېرته زه

تـــــــــه که امر وکړې له خپل سرنه هم تېر یمه

چېرته ستــــــــــــا له امر نه انکار او چېرته زه

اوس به کوم دلیل شمه غلیم سره پخـــــــــــــلا

توبه مي ده خـــــــــاونده دغه کار او چېرته زه

نن مي د ګوهر تپوس ترې اوکړلو، ویل یې

چېرته بیـا اوس هغه غریب خواراوچېرته زه