حيران :
خيال کې مې چې زړه ته راروانه شي
ښکته مې لاسونه له دعا نه شي
احساس :
زه چې ورسره ومه خوشاله وي
زه چې ورنه ځم ډیره پریشانه شي
شفق :
: یو ځلې انکار له یارانې وکړي
بیرته گیله منه له خپل ځانه شي
حيران :
مينه ده بس مينه چې ترې ژوند جوړ دی
مينه چې څوک نکړي بې ايمانه شي
احساس :
خدای څومره ښایست پرې لورولې دی
ځان ته چې هم وګورې حیرانه شي
شفق :
بیا به یې له اوښکو لپه ډکه وي
دغه که یو ځلې بې جانانه شي
حيران :
موسکه شي په سترګو کې ګويانه شي
کله کله ډېره مسلمانه شي
لاړ چې شي قدرت له کانفرانس څخه
دا لکه چې زخم بې درمانه شي (درمان ته)
نه شم يی ستایلی د سپين مخ ګلاب
نه چې لکه زلفې پريشانه شي
شفق :
ګرانې چې بې تا د ازل برخه ده
څنگه به د بخت ستوری روښانه شي؟
حيران :
بس دی چې په میاشت کې يې یو ځل ګورم
نه غواړم چې دې نه دې ارزانه شي
شفق :
څوک یی له تصویره سترگې واړوي
څوک ورپسې ورک له دې جهانه شي
حيران :
پوی شه علامه به د قیامت وي دا
پورته چې ټول توري له قرآنه شي
.
رستم :
خپله معشوقه چې ترې نه لاس واخلي
سم لکه سړی چې بې ايمانه شي
احساس :
مور یې هغه دومره نازولې ده
سترګې چې راجیګې کړې ستومانه شي
حيران :
وله مې په کاڼو درنه نه ځمه
پټ نو سړی ولې له بارانه شي؟
شفق :
چا ته یې د دار رسۍ په غاړه کړه
چا ته مینه ښکلې شي اسانه شي
درمان :
اخ لکه وړه نجلۍ چې ځمه ترې
ټینګه مې رارځوړند له ګریوانه شي
