غزل
بیا مې رپیږي نن باڼه ،وایم چې ته به راځې
ځان سره مسک شم ، ځان ته ووایم چې ته به راځې
چې مې په زړه راشي تیاره ، وایم چې ته به راځې
سترګې کړم پاس په اسمانه ، وایم چې ته به راځې
خلک لګیا دې خپل حالت بدلوي خپله ، عیسی!!
زه ناست یم سر په زنګانه ، وایم چې ته به راځې
هر ماښامی لمرپریوتل، راته ستا تګ یادوي
هر سبايي په لمرخاته ،وایم چې ته به راځې
په بامبوټۍ مې د کارغانو اوازونه وشي*
لارې ته وشیندمه زړه ،وایم چې ته به راځې
مرورتیا شوه په دې تمه تر کلونو اوږده
ته وایې ته به راځې زه ،وایم چې ته به راځې
ما ته چې څومره دروغ راتلل ورته مې ټول وویل
جلاله نور به زړه ته څه وایم چې ته به راځې؟
جلال امرخېل
23.10.2011
- جلال امرخېل
مقدمه! هغه تېرو ورځو کې مې د سعادت صیب په شعر یوه وړه تبصره په منډه ولیکله، خدای خبر څنګه وه خو د تادۍ رنګ په کې څرګند و چې وروسته بیا خپله سعادت صیب هم دې ته اشاره وکړه چې په شعر که تبصره وي، نو سمه دمه دې وي، ګني هسې ځان خلاصول خوند نه کوي! په عمومي توګه ټول خلک مصروف دي، په فیسبوک کې هم مصروفیت ښه ډېر دی، خو له دې سره سره د ځینو حساسو زړونو خاطر په کار دی، ځکه خو زه دا ګڼم چې تبصره که لنډه وي که اوږده، په موضوع باندې دې د ښه نظر له مخې وي، چې په...
26.10.2011
- جلال امرخېل
د جلال په يوه نوي غزل کې انګېرنې او رښتينې ښکلاوې.
د جلال په شاعرۍ کې ما ډېر څه وليدل او ولوستل، خو دې تر هر څه مې چې ډېر وليدل هغه د انګېرنو شتون و، دده ددې غزل په لومړي او پنځم بيت کې ډېرې ښې انګېرې شته، چې دى انګېرنې په شعر کې ډېرې ښې را...نغاړي، خو نه پوهېږم، چې په شعر کې د انګېرنې ځايولو ته کوم ادبي صنعت وايي،کېداى شي دې په دې برخه کافي مطالعه او توان ولري،چې پخپل شعر کې انګېرونو ته ځاى ورکړي او د شعر جامه ورملبسه کړي.
په کوچنيوالي کې مې اورېدلي وو، چې سترګې( باڼه) مې رپې...
