دا ترکومه به کړيږو زه او ته
يو په بل پسي ژړيږو زه او ته

د هجران په سرو لمبو کي به ترکومه
د پتنګ غوندي سوزيږو زه او ته 

بيلتون هسي داغ راکړی ده په زړونو
په درمان يي نه پوهيږو زه او ته

هسي بند يو د رواج په زولنو کي
يو د بل نه،نه خبريږو زه او ته

مودې وشوې ستا راتلو ته انتظار يم
چه به کله يو ځای کيږو زه او ته

رقيبان مو ښکاره نه پريږدي دلبره
پټ په سترګو کي موسيږو زه او ته

 ګوهره که په ژوند مو قدر نشته،پس له مرګه
زمانې ته به يا ديږو زه او ته