هلمنده
هرګودردي تاريخي دى هره څاڅكه دي څپه سوه
ستا دميني په درشل كي دغيرت كاسه چپه سوه
اى زموږ ګرانه هلمنده ئې وموږ ته قدرمنده
___
ستادسترتاريخ كيسې وې ازموينه وه خوزوروو
شان دي لوړسوتراسمانه ستادغېږي شروشوروو
غوړېدلي دي ګلان وه ستاپه وينوكي مېوې وې
دبدبه دسترتاريخ وه ستادښكلي سيندڅپې وې
اقاصد دشپوپه لمركي هغه سپينووړانګووسو
ارقيب ستاپه كوڅوكي ته خبرنه ئې چي څه سوو
اى زموږ ګرانه هلمنده په درنوقوموپيونده
هرګودردي تاريخي دي
_________
ستااسمان خويوځل سپين سوستاپه ځمكه كي لعلونه
ستازرغون چمن راوړي وه ګېډۍ ګېډۍ ګلونه
ازرغون دعزت شال چي ستاپرسرباندي هوارسو
اشيطان لعين له وهمه ستاله كلي نه فرارسو
ستاوږوږداناالحق ووچي په دارسوله سرونه
ستاله غېږي په مړوسترګوتښتېدل مغرور ځواكونه
اى زموږ ګرانه هلمنده پرجهان ئې عزتمنده
هرګودردي تاريخي دى
____________
يوعجبه ده دازورووولولې كه دايمان وې
نصرتونه الهي وه فرشتي هم داسمان وې
په غازيانوډك هلمنده زمزمې دي درباب وې
دااوس تندراسماني وه كه څپې دانقلاب وې
ستاپه غېږ كي ښاماران وه پاړوګرورته پيداسوه
اسپېره مېره بګړۍ وه خړبوټونه خړافغان وو
دنيكه دننګ شمله ئې كړل اوچته په جهان كي
له قبرونه بريتوروپه ځيرځيرورته كتله
ددوږخ داورلمبې وې ستادزوى سينه ئې ډال وه
اى زموږ ګرانه هلمنده ماتول دي خپله تنده
هرګودردي تاريخي دى
________
ستادبست دتاريخ پاڼي لكه كرښي دي پركاڼي
ستازلمي په مينه مست دي پراسمان ځي لكه ځاڼي
العسكردي زموږ وياړدى ښكلى نوم لښكربازاردى
همدغه موږ ته كشميردى زمادپلارنيكه دياردى
خانشين دي تاريخي دى ستاديشولري مړونه
ګرمسېرپه غيرت ګرم په ګوا دي تاريخونه
زرغونه ناوه دي جارسم خيركه نن په وينوسره ده
هره سيمه دي ګلزارسه نادعلى دى كه مارجه ده
داستاګرشك دغيرت كوردى نن كه سوى په سره اوردى
دواشيرغيرتي غرونه پرغليم ئې بل سوراوردى
ستاسنګين سنګين وطن دى ستاباغران باغ حرم دى
په شملوښايسته نوزاددى كجكى دي محترم دى
ښايسته موساكلا ده په شملو باندي زېباده
هره سيمه دي خپل ځان ته يوستروياړ داريانا ده
اي زموږ ګرانه هلمنده ترشكري خوږ ئې قنده
هرګودردي تاريخي دى
_________
ستابه هيركه دي پيادوي چي شملې سوې درته ټيټي
هغه سترځواك دي بياهيرسوچي ناهيلي ئې سوې ګټي
چي تنكۍ ځوانۍ لوګى سوې ستاپه مينه كي هلمنده
په غيرت كي جهانيانوپېژندلې ارجمنده
نااميده نسې ګرانه خيركه نن په غم اخته ئې
داخوستادپاره وياړدى دپخوانه اموخته ئې
داسورې سورې سينه دي په ګلونورنګينه سه
داپه وينوسره سينه دي يوځل شنه سه زرغونه سه
سه برباددي اهريمنده اى زموږ ګرانه هلمنده
هرګودردي تاريخ دى
_________
ستاپه غېږ كي چي اوسيږي ستادرانه درانه قومونه
ستادښمن لره طوفان دي ستادخاوري اولسونه
مېړني الكوزي دي سپين سپېڅلي اڅكزي دي
ستاحريم په ښايسته دى شملوردي باركزي دي
ستانورزۍ نوراني قوم دي عليزي دي بريتوردي
پوپلزي ډك له ننګونواسحق زي مي دزړه سردي
ستاكاكړټوله زمري دي ستاپردښتوبلوڅان دي
كه خروټي دفتاڼي دي ډك له ننګه ستابچيان دي
ستاوردګ پياوړى قوم دي هزاره كه اوزبكان دي
ستابړېڅ دي كه تركي كه اندړدي كه سيدان دي
ددښمن ځاى دي سه كنده اى وموږ ګرانه هلمنده
هرګودردي تاريخي دى
_______
بياژونديودى جوړكړى ستاپه غېږه كي طوفان دى
ستادشنودښتوباغوڅه دودختلى تراسمان دى
ستالازوړزخم جوړندى بيادي غيږزخمي زخمي سول
دادبل ظالم لمسون دى وكه خپل درته ياغي سول
مازديګردي لمرځلان سوولمرغوټه سو بيا تياره سوه
ستابچولاره كړه وركه هري خواته بيا جګړه سوه
اى زموږ ګرانه هلمنده په زمريوبهرمنده
هرګودردي تاريخي دى
_________
هغه شين اسمان دي توروسودباروتوسرې لمبې دي
هري خواته فريادونه يتيمان دي اونعرې دي
تورتمونه دي ټول ورك دي آهوښيارسرونه څه سوه
بې ملاح كښتۍ ولاړه ستادكارسرونه څه سوه
بې منزله قافله ده كاروانيان دي ټول جلا سوه
ستا ديوسترخان اولس وواوس پريواوبله خواسوه
اى زموږ ګرانه هلمنده لوه شمله دي ترارغنده
هرګودردي تاريخي دي
________
خداى دي ټوله بچيان يوكه دادښتونه دي خداى شنه كه
دابېلتون دي خداى كه ليري دښمنان دي خداى ټول مړه كه
دتاريخ پرمخ ځلان سې هريودښت دي شين زرغون سه
سه دي ويښ بيده خيالونه چي په مينه باندي وكړو
ستا په غيږه كي خوبونه عمري ته قدرمنده اى زموږ ګرانه هلمنده
هرګودردي تاريخي دى هره څاڅكه دي څپه سوه
ستادميني په درشل كي دغيرت كاسه چپه سوه
