مونږ
بــېرته پـاتـې شــوو د ژونـد د قـافــلـې نــه
دنـیـا وویـسـتــو د خـــپــلې سـلـســلې نــه
ورځ مو خپله په ځان شپه کړله خوبـــــیا هم
ګــیــلـه مـن یـو د تــــــقـدیــر د فېصلــې نــه
********
د بــشــر د تـاریـخ بــر دور کـې ګـرځــو
مونږه لا د غار او غـر دور کې ګـرځــو
خـبر نــه یــو د دنــیــا لــه رازو نــیــازه
د خپل سوچ په زورور دور کې ګر ځـو
********
دنـیکــه د افسانې ســیوري ته ناست یــو
د مـمبر او مېخانې سیوري ته ناست یــو
موږ دنیا په اور تعبیر کــړله ترې تېر شوو
پوه یو بیاهم دبهانې سیوري ته ناست یو
********
د مـلا پـه قــیل او قــال مــو ژوند تـړلې
د دلبــر په خت او خــال مــو ژوند تـړلې
د ثـواب او د اوبــال په دام کی ګــیر یــو
بل ته لاس نیسو په سوال مو ژوند تړلې
شیرین اغا جهانګیر
فراه رود، فراه
2009-06-29
