آزاد شعر

حبیب زی

دومره ساده او لیونې خو نه یم
چې ګودرونو کې
د مستو پیغلو هیلې
په اوبو لاهو کم ،
دا سره منګې به
بیا له کومی چینې
د کلې پیغلي ډکوې
چې دا ترخه
دوړو وهلی ستونې
په زنګالې اوبو کی ولمبوو ؟
راځی چې بیا
دګودرونو لاری
د څو کوکریو
له رمو تشی کړو
او داغزیو
دا دانه دانه
شیندلې زړې
د تناره په لمبو وسوځوو ،
مونږه دا مستي او رڼي
له اوبو ډکي ویالې
په لیونیو سیلابونو
له مخ
نه خړوو
او هر ګودر د سر په بیه ساتو !!

کابل- حمل ۱۳۸۹