نقاب

عبدالباري جهاني

 

 

که يو ځل خلګو رشتيا وويله

يوځلي وسپړيدل پټ رازونه

يوځل رسواسوې دروغجني ميني

يوځلي خلګو سره وکتله

ويې ليدل

ترنقابونو لاندي پټ مخونه

او ددوستۍ په پوښ کي پټ نغښتي

شيطاني نيتونه

هغه بېځايه ،بې قيمته، بې ارزشته اوښکي

هغه خيرني مکرجني خپلوۍ

يوځلي يوله بله وتوريدل،وتښتيدل

او يادقتل په نيت ووتل تېره تيغونه

يايې هم بل کړل دکسات او انتقام اورورنه

دلته به څوک اوسيږي

څوک به ژوندي پاتييږي

دمځکي مخ به ټوله ويني واخلي

هرڅه به وسوځيږي

همدا نقاب دي چې يي مخ دتباهيۍ نيولی

همدا نقاب دی چې ژوندي مو ساتي

13-10-89