پښتو په انټرنټ کی یومهال زمونږ دذهن په دریڅو کی هم نه ښکاریده، خو اوس یی دعروج او پرمختګ پړاوونه نه یواځې په خپلو سترګوګورو بلکه نړیوال یی هم ګوري او آ ن دنړۍ په هر کونج کی ددغې ژبې ویوونکي او لوستونکي اوس ددغه نړیوال جال پرمټ پښتو هم لولي او هم یی ویني.
ددغو نوښتګرو هڅو پنڅوونکي هغه تنکي ځوانان دي چی دخپلې ژبې ، ادب او فرهنګ سره لیونۍ مینه لري او دغې مینې دیته هڅولي چی دغه له سترګو پناه کیدونکې خوږه غرنۍ ژبه پرامریکایی کمپیوټر ومني اویا یی هم دګوګل پرسینه راوځړوي.
زه په خپل وار دغو نوښتګرو ځوانانو ته دمینې پیرزوینې ډالۍ کووم او له خدای ج څخه ورته دلا سترو بریاوو هیله کووم.
زما دغه نوې پښتو ویبلاګ (هنداره)به له تاسو سره په بیلابیلو اړخونوکې خبرې کوي او له تاسو هم هیله لرم چی خپل نظرونه او غوښتنې له ماسره شریکې کړیء. منندوۍ به مو یم.
زما دبریښنالیک پته:
enayatsafi@yahoo.com
عنایت ساپې
کور
